بٷگٸننەن باستاپ ەلٸمٸزدە بارلىق بۇقارالىق شارالارعا تىيىم سالىندى. بۇل تۋرالى نۇر-سۇلتان قالالىق قوعامدىق دەنساۋلىقتى ساقتاۋ باسقارماسىنىڭ باسشىسى سەۋلە قيسىقوۆا ايتتى, دەپ حابارلايدى قازاقپارات.
«كوروناۆيرۋسىڭ تارالۋىنا جول بەرمەۋ شارالارى اياسىندا ٷكٸمەت بٷگٸننەن باستاپ, ياعني 13 ناۋرىزدان بۇقارالىق شارالارعا تىيىم سالۋ تۋرالى شەشٸم قابىلدادى. قالا باسشىلىعى ارنايى الدىن الۋ شارالارىن جٷزەگە اسىرۋعا كٸرٸسەدٸ. كوروناۆيرۋس تارالۋىنىڭ الدىن الۋ ماقساتىندا نۇر-سۇلتان ەكٸمدٸگٸ مەن قوعامدىق دەنساۋلىقتى ساقتاۋ باسقارماسى ەپيدەميولوگيياعا قارسى رەجٸمدٸ ساقتاي وتىرىپ بٸرقاتار شارا جٷرگٸزەدٸ», - دەدٸ ول.
ونىڭ اتاپ ٶتۋٸنشە, كوروناۆيرۋسپەن كٷرەستە قىتايدىڭ, وڭتٷستٸك كورەيانىڭ جەنە باسقا دا ەلدەردٸڭ ەلەمدٸك تەجٸريبەلەرٸ زەردەلەنگەن. اتالعان تەجٸريبەلەر كوروناۆيرۋسپەن كٷرەستە قولدانىلاتىن بولادى.
«كوروناۆيرۋس وقيعاسى تٸركەلگەن جاعدايدا دياگنوستيكا جاسايتىن, ناۋقاستى اتالعان جۇقپالى اۋرۋدان ەمدەيتٸن ارنايى مەديتسينالىق مەكەمەنٸ انىقتادىق. ۆيرۋس جۇقتىرعانداردى ەمدەۋ ٷشٸن قالانىڭ سىرتىندا وقشاۋ تۇرعان عيماراتتان جەكە ستاتسيونار بەلگٸلەنگەن. سوندىقتان ۆيرۋس جۇقتىرعاندار مەن باسقا ناۋقاستاردىڭ جولى قيىلىسپايدى. بٸردەن ايتايىن, كوروناۆيرۋستى دياگنوستيكالاۋدا پاتسيەنتتەر 4 ساناتقا بٶلٸنەدٸ. پاتسيەنتتەر دەنساۋلىق جاي-كٷيٸ جەڭٸل, ورتاشا جەنە اۋىر رەتٸندە تەكسەرۋدەن ٶتەدٸ. مۇنان بٶلەك, ٷي كارانتينٸندە بولاتىن پاتسيەنتتەر دە بار», - دەدٸ سەۋلە قيسىقوۆا.
