ەلوردادا دەزينفەكتسييا جۇمىستارىنا 50-دەن استام تەحنيكا, ونىڭ ٸشٸندە 20 ەسكەري تەحنيكا, 200 روتورلىق جەنە سورعى شاشىراتقىش جۇمىلدىرىلدى. بۇل تۋرالى ورتالىق كوممۋنيكاتسييالار قىزمەتٸندەگٸ بريفينگتە نۇر-سۇلتان قالاسى ەكٸمٸنٸڭ ورىنباسارى التىنبەك قايساعاليەۆ ايتتى, دەپ حابارلايدى قازاقپارات.
«ٶزدەرٸڭٸز بٸلەتٸندەي, قازٸرگٸ تاڭدا قالادا كوروناۆيرۋس ينفەكتسيياسىنا قارسى بەلسەندٸ جۇمىس جٷرگٸزٸلٸپ جاتىر. وسىعان بايلانىستى نۇر-سۇلتان قالاسى حالقىنىڭ دەنساۋلىعىن ساقتاۋ جەنە قاۋٸپسٸزدٸگٸن قامتاماسىز ەتۋ ماقساتىندا وسى جىلدىڭ 20 ناۋرىزىنان باستاپ قالانىڭ بارلىق نىساندارىندا, ادام كٶپ شوعىرلاناتىن جەرلەردە, سونىمەن قاتار, تۇرعىن ٷي كەشەندەرٸ مەن تۇرعىن الاپتارىندا اۋقىمدى دەزينفەكتسييا جۇمىسى جٷرگٸزٸلۋدە», - دەدٸ ول.
ونىڭ اتاپ ٶتۋٸنشە, زالالسىزداندىرۋ جۇمىستارى قر قورعانىس مينيسترلٸگٸ راديوحيمييالىق جەنە باكتەريولوگييالىق ەسكەرٸنٸڭ, قالا ەكٸمدٸگٸ مەن دەزينفەكتسييالىق جۇمىستار جاسايتىن ۇيىمداردىڭ كٷشٸمەن كٷندەلٸكتٸ جٷرگٸزٸلۋدە. دەزينفەكتسييالىق شارالاردى جٷرگٸزۋگە 50-دەن استام تەحنيكا, ونىڭ ٸشٸندە 20 بٸرلٸك ەسكەري تەحنيكا, 200 بٸرلٸك روتورلىق جەنە سورعى شاشىراتقىشتارى جۇمىلدىرىلدى. دەزينفەكتسييا جۇمىستارىنا كٷندەلٸكتٸ 470 دەزينفەكتور-ادام, سونىڭ ٸشٸندە قر قورعانىس مينيسترلٸگٸنەن – 231 ادام, دەزينفەكتسييالىق جۇمىستار جاسايتىن ۇيىمداردان 239 ادام قاتىسۋدا. كٷندەلٸكتٸ ەسكەريلەر كٷشٸمەن 10 باعىت بويىنشا دەزينفەكتسييالىق ٶڭدەۋ جۇمىستارى جٷرگٸزٸلۋدە.
«قالانىڭ بارلىق ساۋدا ورىندارىنا ٸرگەلەس جاتقان اۋماقتارىنا, مەديتسينالىق ۇيىمدارىنا, ساۋدا ورتالىقتارىنا, شاعىن ساۋدا ماركەتتەرٸنە, بارلىق ٶتكٸزۋ بەكەتتەرٸنە, مەشٸتتەرگە, اۋدانارالىق اۋماقتارعا, ٷي كٸرەبەرٸستەرٸ مەن ليفتٸلەرگە كٷندەلٸكتٸ نەگٸزدە بكس 5, دەزوستەريل فورتە دەزينفەكتسييالاۋشى ەرٸتٸندٸلەرٸمەن ٶڭدەۋ جٷرگٸزٸلەدٸ. پايدالانىلاتىن دەزينفەكتسييالاۋشى قۇرالداردىڭ ميكروبتارعا, ۆيرۋستارعا قارسى ەسەر ەتەتٸن كٷشٸ بار جەنە ەمدەۋ-پروفيلاكتيكالىق مەكەمەلەردٸ, كوممۋنالدىق قىزمەت نىساندارىن, تاعام ٶندٸرٸسٸ مەن قوعامدىق تاماقتانۋ ورىندارىن, سونىمەن قاتار, ساۋدا ورىندارىن ٶڭدەۋگە ارنالعان جەنە جانۋارلار مەن ادامدارعا قاۋٸپسٸز», - دەدٸ ەكٸم ورىنباسارى.
التىنبەك قايساعاليەۆتٸڭ سٶزٸنە قاراعاندا, بۇل جۇمىستارعا دەزينفەكتسييالىق قۇرالدار ساتىپ الىندى, بٷگٸنگٸ كٷنٸ ولاردىڭ قورى جەتكٸلٸكتٸ. 165 توننا دەزقۇرال - ناتريي گيپوحلوريت ساتىپ الىندى. سونىمەن قاتار, دەزوستەريل فورتە مەن دەزوستەريل چاس+ دەزقۇرالدارى 270 ليتر كٶلەمٸندە ساتىپ الىندى. ولاردى ارالاستىرۋ كەزٸندە 200 توننادان استام دايىن دەزينفەكتسييالىق ەرٸتٸندٸ الىنادى.
«زارارسىزداندىرۋ جۇمىستارى اياسىندا نۇر-سۇلتان قالاسى بويىنشا 1529 ٷي, ونىڭ ٸشٸندە 6375 كٸرەبەرٸس جەنە 1500 بالالار مەن سپورت الاڭدارىندا اتالعان جۇمىستار اتقارىلدى. بۇل ٶز كەزەگٸندە جالپى تٷرعىن ٷيلەردٸڭ 80 پايىزدان استامىن قۇرايدى. سونىمەن قاتار, قاراٶتكەل, كومسومولسكيي, شۇبار, زارەچنىي, دەپگورودوك جەنە وڭتٷستٸك-شىعىستىڭ وڭ جاق بەتٸندەگٸ جەكە مەنشٸك ٷيلەردٸڭ اۋماعى ارنايى دەزينفەكتسييالىق ماشينالارىمەن ٶڭدەلدٸ. بۇل جۇمىستار كەستەگە ساي ارىقاراي جالعاسادى. پايدالانىلعان قورعاۋ قۇرالدارىن جيناۋ جەنە جويۋ ٷشٸن ارنايى ەكوبوكستار ورناتىلدى», - دەدٸ ول.
