ەلوردا 2023 جىلعا دەيٸن ەلەۋمەتتٸك سالاعا 1,2 ملرد تەڭگە جۇمسايدى. بۇل تۋرالى نۇر-سۇلتان قالالىق ەكونوميكا جەنە بيۋدجەتتٸك جوسپارلاۋ باسقارماسىنىڭ باسشىسى قايسار ماڭقاراەۆ ايتتى, دەپ حابارلايدى قازاقپارات تٸلشٸسٸ.
«ەلوردانىڭ 2023 جىلعا دەيٸنگٸ ناقتىلانعان بيۋدجەتٸندە ەلەۋمەتتٸك سالاعا 1 ملرد 254 ملن تەڭگە قاراستىرىلىپ وتىر. بۇل ورايدا جۇمىسپەن قامتۋدى باسقارۋ, جٷرٸپ-تۇرۋى قيىن 1-توپتاعى مٷگەدەكتەردٸ جەكە كٶمەكشٸمەن قامتۋ نەگٸزگٸ باعىت سانالادى. وعان 365 ملن تەڭگە قاراستىرىپ وتىر. سونىمەن قاتار دەنساۋلىق ساقتاۋ باسقارماسىنا پتر-زەرتحانا جابدىقتارىن ساتىپ الۋعا شامامەن 200 ملن تەڭگە قاراستىرىلادى», - دەدٸ ول نۇر-سۇلتان قالالىق مەسليحاتىنىڭ كەزەكتەن تىس 76-شى سەسسيياسىندا.
باسقارما باسشىسىنىڭ اتاپ ٶتۋٸنشە, ەلوردانىڭ كٶلٸك ينفراقۇرىلىمىن دامىتۋعا قوسىمشا 7 ملرد 271 ملن تەڭگە, ونىڭ ٸشٸندە ەلەۋمەتتٸك ماڭىزى بار ٸشكٸ باعىتتاردى جولاۋشىلار تاسىمالىن سۋبسيدييالاۋعا 5 ملرد 451 ملن تەڭگە بٶلٸنەدٸ.
«وتىن-ەنەرگەتيكا كەشەنٸ جەنە كوممۋنيالدىق شارۋاشىلىق باسقارماسىنا قوسىمشا 899 ملن تەڭگە, ونىڭ ٸشٸندە گاز-كٶلٸك جٷيەسٸن دامىتۋعا 404,5 ملن تەڭگە قاراستىرىلادى. قۇرىلىس باسقارماسىنا بٸرقاتار نىسان قۇرىلىسىن اياقتاۋ ٷشٸن 1 ملر 74 ملن تەڭگە بٶلٸنەدٸ. قالالىق ورتا ساپاسى جەنە باقىلاۋ باسقارماسىندا قوسىمشا 15 ملن تەڭگە كٶزدەلەدٸ. قورشاعان ورتانى قورعاۋ جەنە تابيعات پايدالانۋ باسقارماسىنا 1 ملرد 651 تەڭگە قاراستىرىلىپ وتىر», - دەدٸ قايسار ماڭقاراەۆ.
