نۇر-سۇلتان قالاسى سانيتارلىق-ەپيدەميولوگييالىق قاداعالاۋ باسقاراماسى باسشىسىنىڭ ورىنباسارى جاننا پراليەۆا باق ٶكٸلدەرٸنە قالاداعى ەپيداحۋال تۋرالى مەلٸمەت بەردٸ, دەپ حابارلايدى قازاقپارات.
«قازٸر بٸز ناۋقاستار سانىنىڭ تەز ارادا كٶبەيگەنٸن «وميكروننىڭ» پايدا بولۋىمەن بايلانىستىرىپ وتىرمىز. ٶيتكەنٸ كەشەگٸ كٷندٸ ٶزدەرٸڭٸز كٶرٸپ وتىرسىزدار 1442 جاعداي تٸركەلدٸ. ەگەر جەلتوقسان ايىندا 2700 جاعداي تٸركەلسە, كەيٸنگٸ 10 كٷننٸڭ ٸشٸندە 4622 جاعداي تٸركەلٸپ وتىر. ياعني 1,7 ەسە ارتقانىن كٶرەمٸز», - دەدٸ ول باق ٶكٸلدەرٸنە بەرگەن سۇحباتىندا.
سونداي-اق, مامان ەلوردادا «وميكروننىڭ» العاشقى جاعدايى قالاي انىقتالعانىن باياندادى.
«قازٸرگٸ كەزدە, ٶزدەرٸڭٸز كٶرٸپ وتىرعانداي, نۇر-سۇلتان قالاسنىداعى ەپيدەميولوگييالىق جاعداي كٷردەلٸ بولىپ تۇر. بۇل دەنساۋلىق ساقتاۋ مينيسترلٸگٸنٸڭ مەلٸمەتٸندە ايتىلعانداي, «وميكرون» Sars-Cov-2» شتامىنىڭ انىقتالعانىنا بايلانىستى. قازٸر ەكٸ ايدا بٸر رەت گەنەتيكالىق-مولەكۋليارلىق زەرتتەۋ جاسالىپ وتىرادى. ول جەرگە بٸز وڭ نەتيجەلٸ سىنامالاردى تەكسەرۋگە جٸبەرەمٸز. ەڭ سوڭعى رەت جەلتوقسان ايىنىڭ سوڭىندا 25 سىناما جٸبەرگەن بولاتىنبىز. سونىڭ ٸشٸندە بٸر سىناما وڭ نەتيجە كٶرسەتٸپ وتىر. ياعني «وميكرون» شتامى بار دەگەن سٶز. ول بٸزدٸڭ قالانىڭ تۇرعىنى, شەتەلدەن 16 جەلتوقسان كٷنٸ كەلگەن. بٸراق كەلگەن كەزدە ونىڭ پتر-تەست نەتيجەسٸ تەرٸس بولعان. بٸراق 22 جەلتوقساندا دەنساۋلىعى كٸشكەنە ناشارلاپ, تاماعى اۋىرىپ, مەديتسينالىق كٶمەككە جٷگٸنگەن. سول جەردە وڭ نەتيجە كٶرسەتكەن. سول سىنامانى بٸز قوسىمشا زەرتتەۋگە جٸبەرگەن بولاتىنبىز, «وميكرون» شتامىن كٶرسەتٸپ وتىر», - دەدٸ جاننا پراليەۆا.
