ەليزابەت تۇرسىنباەۆا مەنەرلەپ سىرعاناۋدان اقش-تىڭ اناحايم قالاسىندا ٶتكەن «تٶرت قۇرلىق چەمپيوناتىندا» كٷمٸس جٷلدەگەر اتاندى, دەپ حابارلايدى "ۇلت اقپارات".
تۇرسىنباەۆا ەركٸن باعدارلامادا 139.37 ۇپاي جيناپ, ماۋسىمداعى ٷزدٸك نەتيجەسٸن كٶرسەتتٸ.
قوس باعدارلاما قورىتىندىسى بويىنشا ەليزابەت تۇرسىنباەۆا 207.46 ۇپاي جينادى. بۇل - تۋرنيردٸڭ كٷمٸس جٷلدەگەرٸ اتانۋعا لايىق نەتيجە. «تٶرت قۇرلىق چەمپيوناتىنداعى» ەيەلدەر اراسىنداعى سىندا جاپونييالىق ريكا كيحيرا جەڭٸمپاز اتاندى. ول جالپى ەسەبٸ 221.99 ۇپايعا قول جەتكٸزدٸ. ٷشٸنشٸ ورىندا - 207.12 ۇپاي جيناعان جاپونييانىڭ تاعى بٸر ٶكٸلٸ ماي مياحارا.
«اقش تٶرٸندە سەتتٸ ٶنەر كٶرسەتكەنٸمە قۋانىشتىمىن. بٷگٸن ٶز مانسابىمدا تۇڭعىش رەت تٶرت اينالىمدى سالحوۆتى ورىنداۋعا تىرىستىم. ەلەمەنتتٸ ورىنداۋ كەزٸندە قۇلاپ قالسام دا, سوڭىنا دەيٸن اينالدىرا العانىم ٷشٸن قۋانىشتىمىن. ەكٸ اپتادان بەرٸ وسى ەلەمەنتتٸ ەركٸن باعدارلامادا ورىنداپ, جاتتىققان ەدٸم. بٸر رەت قۇلاعان سوڭ, قالعان سەكٸرۋ ەلەمەنتتەرٸن سەتتٸ ورىنداعانىما ريزامىن», - دەيدٸ تۇرسىنباەۆا.
