ٶز تاعدىرىن ٶزٸ ايقىنداۋعا العاشقى قادام جاساعان قازاقستان ٷشٸن 1 جەلتوقسان - مەملەكەتتٸلٸك تاريحىنىڭ مەرەيلٸ كٷنٸ سانالۋعا لايىقتى. جوعارى پارلامەنتتٸڭ بەكٸتۋٸمەن 2012 جىلى 1 جەلتوقسان قازاقستاندا العاش رەت – تۇڭعىش پرەزيدەنت كٷنٸ مەملەكەتتٸك مەرەكە رەتٸندە اتالىپ ٶتٸپ, بۇل بارشامىز ٷشٸن قۋانىشتى وقيعا بولدى. ەلباسىنا دەگەن ەل قۇرمەتٸن ايرىقشا ايعاقتاۋعا ارنالعان بۇل مەرەكەنٸڭ دەستٷرلٸك ٸس-شاراعا اينالۋعا ورنى بار ەكەنٸن سەنٸممەن ايتا الامىز.
وتىرار اۋدانىندا وسى ايتۋلى مەرەكەگە وراي «ەلٸن سٷيگەن, ەلٸ سٷيگەن ەلباسى» اتتى تاقىرىپتاعى دٶڭگەلەك ٷستەل ٶتتٸ. اتالعان شاراعا اۋدان ەكٸمٸ ەرلان ايتاحانوۆ ارنايى قاتىسىپ, كەمەڭگەر باسشىنىڭ ەل تاريحىنداعى سان قيلى كەزەڭدەردە وڭ شەشٸم قابىلداپ, مەملەكەتٸمٸزدٸ ەلەم ەلدەرٸمەن تەڭ دەرەجەدە دامىتۋعا ٶزٸندٸك قوسقان ٷلەسٸ جايىندا سٶز ەتتٸ.
قوناقتار الدىمەن وتىرار مەملەكەتتٸك ارحەولوگييالىق قورىق-مۇراجايى مەن اۋداندىق ورتالىق كٸتاپحانانىڭ «ەلباسى - ۇلت كٶشباسشىسى» اتتى كٶرمەلەرٸن تاماشالادى.
شارا بارىسىندا سٶز العان اۋدان ەكٸمٸ: «تۇڭعىش پرەزيدەنت - ەلباسى ن.ە.نازارباەۆتىڭ كٶرەگەندٸك ساياساتىنىڭ ارقاسىندا تەۋەلسٸز قازاقستان ورتالىق ازييا ٶڭٸرٸندەگٸ, تەۋەلسٸز مەملەكەتتەر دوستاستىعى ەلدەرٸنٸڭ اراسىندا الدىڭعى ورىنعا شىقتى. مەملەكەت باسشىسىنىڭ جٷرگٸزٸپ وتىرعان ساليقالى ٸشكٸ جەنە سىرتقى ساياساتى ەلەۋمەتتٸك-باعدارلى ەكونوميكاسى بار زاماناۋي, قارقىندى دامۋشى مەملەكەت قۇرۋدى قامتاماسىز ەتتٸ. ەڭبەك قۇندىلىعى مەن جاسامپازدىقتى بەكٸتە تٷسۋگە باعىتتالعان ماڭىزدى باعدارلامالىق قۇجات رەتٸندە پرەزيدەنتتٸڭ «قازاقستان-2050» ەل دامۋىنىڭ داڭعىل جولىن بايىپتايتىن ۇزاق مەرزٸمدٸ ستراتەگييالىق باعدارلاماسىن ۇسىنىپ, بارشامىزدى «مەڭگٸلٸك ەل» بولۋعا شاقىرعان بولاتىن. سونىمەن قاتار, كەمەل كەلەشەك جولىندا «بولاشاققا باعدار: رۋحاني جاڭعىرۋ», «ۇلى دالانىڭ جەتٸ قىرى» اتتى ماقالالارىن جارييالاپ, ٶسكەلەڭ ۇرپاقتى ۇلتتىق قۇندىلىقتارمەن سۋسىنداۋعا جول اشتى. ەلباسىمىزدىڭ «ۇلى دالانىڭ جەتٸ قىرى» اتتى ماقالاسى كيەلٸ وتىراردىڭ تاريحىنا تىڭ سەرپٸن بەرمەك. كەلەر جىلى وتىرار قورعانىسىنا 800 جىل. قويناۋى تاريحقا تولى ٶڭٸرٸمٸزدە ەلٸ سىرى اشىلماعان, بەيمەلٸم تاريحي ورىندار جەتەرلٸك. وسى ماقساتتا الدا اۋقىمدى جۇمىستار كٷتٸپ تۇر. سوندىقتان بارشاڭىزدى ەل باسشىسى نۇرسۇلتان ەبٸشۇلى نازارباەۆتىڭ ەل يگٸلٸگٸ جولىنداعى تاماشا باستامالارىن جٷزەگە اسىرۋعا ٷلەس قوسىپ, العا قويعان ماقساتتارعا بٸرلەسە جۇمىس جاساۋعا شاقىرامىن», - دەدٸ.
مۇنان سوڭ پرەزيدەنتٸمٸز ن.ە.نازارباەۆتىڭ ٶمٸرٸ مەن قازاق ەلٸ ٷشٸن جاساعان ۇلى ٸستەرٸنەن سىر شەرتەتٸن بەينەبايان كٶرسەتٸلدٸ. مەنٸ مەن تاعىلىمى مول بەينەباياننان سوڭ وتىرار مەملەكەتتٸك ارحەولوگييالىق قورىق – مۋزەيٸنٸڭ كٸشٸ عىلىمي قىزمەتكەرٸ, فيلوسوفييا عىلىمدارىنىڭ ماگيسترٸ ەرقوجا ابدۋاحيتوۆ «ەلباسى – ەلٸمنٸڭ تۇعىرى بيٸك تٸرەگٸ» اتتى تاقىرىپتاعى بايانداماسىندا مەملەكەت باسشىسىنىڭ ەل تاريحىنداعى الار رٶلٸ جايىندا وي قوزعاسا, اۋداندىق ورتالىق كٸتاپحانا بٶلٸمٸنٸڭ قىزمەتكەرٸ جەميلا سەرٸكقىزى «تەۋەلسٸزدٸك ەل تٸلەگٸ, ەلباسى - ەل تٸرەگٸ» اتتى تاقىرىپتا بايانداما جاساپ, ەلٸنٸڭ قولداۋىنا يە بولعان كەمەڭگەر ەلباسىنىڭ ٶمٸر جولىنا توقتالدى.
سونداي-اق سٶز بارىسىندا «وتىرار ەدەبيەتٸ جەنە ٶنەرٸ» بٸرلەستٸگٸنٸڭ تٶراعاسى ساعىندىق قىدىر مەن تاريحشى بەكجان بەيسەنباي ەگەمەن ەلٸمٸزدٸڭ ماڭدايىنا بٸتكەن ەلباسى نۇرسۇلتان نازارباەۆتىڭ ەل بٸرلٸگٸ, ۇلتتار تاتۋلىعى جولىندا سٸڭٸرگەن ەڭبەكتەرٸ جايىندا كەڭٸنەن توقتالدى.
