فوتو: Total.kz
2025 جىلى 119-دان استام كٸتاپ 240 500 دانا تارالىممەن باسىلىپ, ەلٸمٸزدٸڭ ٶڭٸرلٸك كٸتاپحانالارىنا جەتكٸزٸلدٸ, دەپ حابارلايدى Ult.kz.
ولاردىڭ قاتارىندا «شوقان. ەرەك تۋعان فەنومەن» فوتوالبومٸ, اباي قۇنانبايۇلىنىڭ 180 جىلدىعىنا ارنالعان ەڭبەكتەر, «باقىتسىز جامال» شىعارماسى, سونداي-اق ٸليياس ەسەنبەرلين, جۇمەكەن نەجٸمەدەنوۆ, قادىر مىرزا ەلٸ جەنە تۇمانباي مولداعاليەۆتٸڭ شىعارمالار جيناعى بار.
حالىقارالىق ىنتىماقتاستىق اياسىندا يتالييا تاراپىنىڭ قولداۋىمەن شوقان ۋەليحانوۆ تۋرالى كٸتاپتىڭ يتاليان جەنە اعىلشىن تٸلدەرٸنە اۋدارىلعان نۇسقاسىنىڭ تانىستىرىلىمى ريم قالاسىندا ٶتتٸ.
قر مەدەنيەت جەنە اقپارات مينيسترلٸگٸ ەلٸمٸزدٸڭ ماينداعى فرانكفۋرت قالاسىندا ٶتكەن ەڭ ٸرٸ حالىقارالىق كٸتاپ جەرمەڭكەسٸنە ەكٸنشٸ رەت قاتىسۋىن دا قولدادى. كٶرمەدە ۇلتتىق پاۆيلون ۇيىمداستىرىلىپ, مەرەيتويلىق باسىلىمدار, سونىڭ ٸشٸندە جەتٸ تٸلگە اۋدارىلعان «ابايدىڭ قارا سٶزدەرٸ. ۇرپاققا ۇلاعات» اتتى ەڭبەگٸ تانىستىرىلدى. ال «باقىتسىز جامال» رومانى ۇلتتىق پروزانىڭ العاشقى تۋىندىلارىنىڭ بٸرٸ رەتٸندە حالىقارالىق دەڭگەيدە جوعارى باعاعا يە بولدى.
قازاق ەدەبيەتٸن ناسيحاتتاۋ جۇمىسى ەل ٸشٸندە دە جالعاسىن تاپتى. مەدەنيەت جەنە اقپارات مينيسترلٸگٸنٸڭ ٶكٸلدەرٸ بەيجٸڭ مەن گۋانچجوۋ قالاسىندا ٶتكەن حالىقارالىق كٸتاپ كٶرمەلەرٸنە قاتىسىپ, كلاسسيكتەر مەن قازٸرگٸ زامان اۆتورلارىنىڭ شىعارمالارىن تانىستىردى.
جاس جازۋشىلاردى قولداۋعا ەرەكشە كٶڭٸل بٶلٸندٸ. قر مەدەنيەت جەنە اقپارات مينيسترلٸگٸ مەن قازاقستان جازۋشىلار وداعى اراسىنداعى ستراتەگييالىق سەرٸكتەستٸك اياسىندا جاڭا اۆتورلار بۋىنىن قالىپتاستىرۋعا باعىتتالعان ٷش اۋقىمدى جوبا جٷزەگە استى.
نەتيجەسٸندە 35 كٶركەم جەنە عىلىمي-تانىمدىق جيناق جارىق كٶرٸپ, كٸتاپحانالارعا جەتكٸزٸلدٸ.
