ەلٸمٸزدٸڭ جوعارى وقۋ ورىندارىندا ارحيۆ ٸسٸ بويىنشا ماماندىقتار اشۋ كەرەك. بۇل تۋرالى قر پرەزيدەنتٸ جانىنداعى ادام قۇقىقتارى جٶنٸندەگٸ كوميسسييا وتىرىسىندا مەدەنيەت جەنە سپورت مينيسترٸ اقتوتى رايىمقۇلوۆا ايتتى, دەپ حابارلايدى قازاقپارات.
«ارحيۆ مەكەمەلەرٸن بٸلٸكتٸ كادرلارمەن قامتاماسىز ەتۋ پروبلەماسى ٶزەكتٸ بولىپ قالۋدا. رەسپۋبليكا ارحيۆتەرٸندە بەيٸنٸ بويىنشا بٸلٸمٸ بار مامانداردىڭ بار-جوعى 2,5 پايىزدى قۇرايدى. سونىمەن قاتار مينيسترلٸككە ەلەكتروندىق قۇجات اينالىمى جەنە ەلەكتروندىق ارحيۆ بٶلٸگٸندەگٸ قىزمەتتەردٸ بەرگەننەن كەيٸن تەحنيكالىق بٸلٸمٸ بار ماماندار تاپشىلىعى پروبلەماسى ٶتكٸر بولىپ تۇر», - دەدٸ مينيستر.
ونىڭ ايتۋىنشا, كەيبٸر ارحيۆتەردە جىل ٸشٸندە اۋىسىمدىلىق قۇرامنىڭ 50 پايىزدان استامىن قۇرايدى. بۇل رەتتە, مەملەكەتتٸك ارحيۆ مەكەمەلەرٸنٸڭ شتات سانىنىڭ قىسقارۋىنا قاراماستان, ساقتالاتىن قۇجاتتار كٶلەمٸنٸڭ ۇلعايۋى بايقالادى.
«ارحيۆ سالاسىندا بٸلٸكتٸ كادرلاردىڭ جەتٸسپەۋشٸلٸگٸنٸڭ باستى سەبەبٸ - ارحيۆشٸ ماماندىقتارى مەرتەبەسٸنٸڭ تٶمەندٸگٸ. سوندىقتان رەسپۋبليكانىڭ جوعارى وقۋ ورىندارى وسى باعىت بويىنشا ماماندار دايارلاۋعا مٷددەلٸ ەمەس. مىسالى, ەل-فارابي اتىنداعى قازاق ۇلتتىق ۋنيۆەرسيتەتٸ - «ارحيۆ-جٷرگٸزۋ», «قۇجات-جٷرگٸزۋ» جەنە «قۇجاتتامالىق قامتاماسىز ەتۋ» ماماندىقتارى بويىنشا ماماندار دايارلاۋدى جٷزەگە اسىراتىن جالعىز جوعارى وقۋ ورنى. سوندىقتان ٶڭٸرلەردٸڭ جوعارى وقۋ ورىندارىندا ارحيۆ ٸسٸ جەنە قۇجاتتاما سالاسى بويىنشا ماماندىقتار اشۋ, سونداي-اق قر بٸلٸم مينيسترلٸگٸ «ارحيۆتانۋ», «قۇجاتتانۋ» جەنە «قۇجاتتامالىق قامتاماسىز ەتۋ» ماماندىقتارى بويىنشا مەملەكەتتٸك گرانتتاردى ۇلعايتۋ قاجەت», - دەدٸ اقتوتى رايمقۇلوۆا.
