بيىل قازاقستان 63 جولاۋشى ۆاگونىن ساتىپ الادى. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترلٸگٸ رەسمي ساۋالعا بەرگەن جاۋابىندا ايتتى, دەپ حابارلايدى قازاقپارات.
مينيسترلٸكتٸڭ دەرەگٸنە سەنسەك, قازاقستاندىق جولاۋشىلارعا 2,6 مىڭنان استام ۆاگون قىزمەت كٶرسەتەدٸ. الايدا بۇل جاز مەزگٸلٸ مەن مەرەكە, دەمالىس كٷندەرٸندە جەتكٸلٸكسٸز. وسىنىڭ سالدارىنان جاز سايىن جۇرت كٶپتەگەن باعىتتارعا بيلەت تاپپاي سارىلادى.
«قازاقستاندىق جولاۋشى ۆاگوندارىنىڭ پاركٸ 2,6 مىڭنان اسادى. ولاردىڭ ورتاشا توزۋ دەڭگەيٸ 45,9 پايىز شاماسىندا. قولدانۋ مەرزٸمٸنە بايلانىستى ۆاگونداردىڭ ٸستەن شىعۋىن, ادامدار كٶپ جٷرەتٸن جاز مەزگٸلٸ مەن دەمالىس, مەرەكە كٷندەرٸندە ۆاگون تاپشىلىعى بولاتىنىن ەسكەرسەك, جىل سايىن 200-گە جۋىق جاڭا ۆاگون قاجەت», - دەلٸنگەن رەسمي مەلٸمەتتە.
ۆەدومستۆونىڭ حابارلاۋىنشا, وسى قاجەتتٸلٸكتٸ ٶتەۋ ٷشٸن كەزەڭ-كەزەڭٸمەن قارىزعا ۆاگون ساتىپ الۋ جوسپارلانىپ وتىر.
«جىلجىمالى قۇرامنىڭ پاركٸن جاڭارتۋ جٶنٸندەگٸ ٸس-شارالاردىڭ كٷردەلٸ سالىمداردى قاجەت ەتەتٸنٸن ەسكەرە وتىرىپ, ۆاگونداردى كەزەڭ-كەزەڭٸمەن قارىزعا ساتىپ الۋ جٶنٸندە مەملەكەتتٸك باعدارلاما ەزٸرلەنگەن. بٸر جولاۋشى ۆاگونىنىڭ باعاسى - 450 ملن تەڭگە», - دەلٸنگەن مينيسترلٸك جاۋابىندا.
ۆەدومستۆونىڭ مەلٸمەتٸنە قاراعاندا, 2016-2018 جىلدار ارالىعىندا تاسىمالداۋشىلار 240 جاڭا ۆاگون ساتىپ العان. سونداي-اق, الداعى ۋاقىتتا 360 ۆاگون ساتىپ الۋ جوسپارلانىپ وتىر. ونىڭ 63-ٸ بيىل جەتكٸزٸلۋٸ تيٸس.
