فوتو: gov.kz
قازاقستاندا اۆتوموبيل جولدارىنىڭ ساپاسىن باقىلاۋ ٷشٸن درونداردى ەنگٸزۋ جوسپارلانىپ وتىر. بۇل تۋرالى كٶلٸك مينيسترلٸگٸ حابارلادى.
قازٸرگٸ تاڭدا جولداردىڭ جاي-كٷيٸن باعالاۋعا ارنالعان جاڭا بۋىن ۇشقىشسىز ۇشۋ اپپاراتى سىناقتان سەتتٸ ٶتتٸ.
سىناق بارىسىندا DJI Matrice 400 درونى اقمول – ۆوزدۆيجەنكا – تالاپكەر باعىتىنداعى وبلىستىق ماڭىزى بار اۆتوجول ۋچاسكەسٸندە قولدانىلدى. لازەرلٸك ليدار جٷيەسٸمەن جابدىقتالعان قۇرىلعى جول تٶسەمٸندەگٸ اقاۋلاردى اۆتوماتتى تٷردە انىقتاۋعا مٷمكٸندٸك بەرەدٸ.
زاماناۋي تەحنولوگييالاردىڭ ارقاسىندا تەكسەرۋ پروتسەسٸ ايتارلىقتاي جەدەلدەيدٸ. LiDAR جەنە mmWave-رادار كٶمەگٸمەن جولدىڭ بەتكٸ قاباتى تولىق سكانەرلەنٸپ, تەگٸس ەمەس جەرلەر مەن تٷرلٸ زاقىمدانۋلار ناقتى ۋاقىت رەجيمٸندە تٸركەلەدٸ.
دەرەكتەردٸ جيناۋ بارىنشا اۆتوماتتاندىرىلعان: وپەراتور تەك ۇشۋ ايماعىن بەلگٸلەيدٸ, ال درون مارشرۋتتى ٶزدٸگٸنەن قۇراستىرىپ, تەكسەرۋدٸ دەربەس جٷرگٸزەدٸ. سونىمەن قاتار, قۇرىلعى قاتتى جەل جاعدايلارىنا بەيٸمدەلگەن, بۇل قازاقستاننىڭ اشىق دالا ايماقتارى ٷشٸن ەرەكشە ماڭىزدى.
مامانداردىڭ ايتۋىنشا, مۇنداي تەحنولوگييالاردى ەنگٸزۋ جول قوزعالىسى قاۋٸپسٸزدٸگٸن ارتتىرىپ قانا قويماي, جول ساپاسىن جاقسارتۋعا تىڭ سەرپٸن بەرەدٸ. ەرتە دياگنوستيكانىڭ ارقاسىندا اقاۋلاردى اسقىندىرماي جويۋعا مٷمكٸندٸك تۋادى.
قازٸر بۇل جٷيەنٸ اۆتوجولداردى كەشەندٸ دياگنوستيكالاۋ قۇرالى رەتٸندە كەڭٸنەن ەنگٸزۋ مٷمكٸندٸگٸ قاراستىرىلۋدا. جاڭا تەحنولوگييا اقاۋلاردى انىقتاپ قانا قويماي, ولاردىڭ ناقتى كٶلەمٸن دەل باعالاۋعا جول اشادى.
