قازاقستان اۋماعىندا وق-دەرٸ ساقتايتىن 44 نىساننىڭ شەكاراسى ايقىندالادى. بۇل تۋرالى قر پرەمەر-مينيسترٸ اسقار مامين دەپۋتاتتىق ساۋالعا بەرگەن جاۋابىندا ايتىلعان, دەپ حابارلايدى قازاقپارات.
«قورعانىس مينيسترلٸگٸنٸڭ قويمالارى مەن وق-دەرٸلەرٸ بار ارسەنالدارىنىڭ جانىندا اۋماعىندا تىيىم سالىنعان ايماقتار مەن اۋداندار بەلگٸلەنگەن جەر ۋچاسكەلەرٸن مەملەكەت مۇقتاجى ٷشٸن يەلٸكتەن شىعارۋ, سونداي-اق وق-دەرٸلەردٸ ساقتاۋدىڭ قازٸرگٸ زامانعى قويمالارىن سالۋ بويىنشا جٷرگٸزٸلٸپ جاتقان جۇمىسقا قاتىستى دەپۋتاتتىق ساۋالدى قاراپ, مىنانى حابارلايمىن. قورعانىس مينيسترلٸگٸنٸڭ اقپاراتى بويىنشا, قارۋلى كٷشتەردٸڭ, باسقا دا ەسكەرلەر مەن ەسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان ايماقتار مەن اۋدانداردىڭ تٸزبەسٸنە سەيكەس (قازاقستان رەسپۋبليكاسى ٷكٸمەتٸنٸڭ 2021 جىلعى 15 قاڭتارداعى قاۋلىسى). № 9) قارۋلى كٷشتەردە ٸرٸ كاليبرلٸ وق-دەرٸلەردٸ ساقتايتىن 44 نىساننىڭ اينالاسىنداعى تىيىم سالىنعان ايماقتاردىڭ (اۋدانداردىڭ) شەكاراسى ايقىندالۋعا جاتادى», - دەدٸ اسقار مامين دەپۋتاتتىق ساۋالعا بەرگەن جاۋابىندا.
ونىڭ ايتۋىنشا, نىسانداردىڭ اينالاسىنداعى تىيىم سالىنعان ايماقتاردىڭ جوسپارلارى مەن سحەمالارىن قورعانىس مينيسترلٸگٸ تيٸستٸ ەكٸمدٸكتەرگە جولداۋى كەرەك.
وسىلايشا جەر كودەكسٸنٸڭ 16-بابىنىڭ 10-4-تارماعى بويىنشا, قورعانىس جەنە ۇلتتىق قاۋٸپسٸزدٸك ٷشٸن قاجەت جەر ۋچاسكەلەرٸن بەرۋ جەنە الىپ قويۋ وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگٸلٸكتٸ اتقارۋشى ورگانىنىڭ قۇزىرەتٸنە جاتادى.
«قازٸرگٸ ۋاقىتتا 15 نىسان بويىنشا تىيىم سالىنعان اۋدانداردى بەلگٸلەۋ قاجەتتٸلٸگٸ جويىلدى, ٶيتكەنٸ ولاردان ٸرٸ كاليبرلٸ وق-دەرٸلەر شىعارىلدى. قاراعاندى (4), جامبىل (4) جەنە اقتٶبە (1) وبلىستارىندا 9 نىسان بويىنشا كەلٸسٸم بار, ولار بويىنشا تىيىم سالىنعان ايماقتار شەگٸندەگٸ جەر ۋچاسكەلەرٸن يەلٸكتەن شىعارۋ ٷشٸن قارجى قاراجاتى تالاپ ەتٸلمەيدٸ. قالعان 20 نىسان (الماتى (9), شىعىس قازاقستان (6), ماڭعىستاۋ (2), قاراعاندى (1), تٷركٸستان (1) وبلىستارى مەن شىمكەنت قالاسىندا (1) ورنالاسقان. ٷكٸمەت مەسەلەلەردٸ كەشەندٸ جەنە جٷيەلٸ شەشۋ بويىنشا شارالار قابىلداۋدا. ٶيتكەنٸ تىيىم سالىنعان ايماقتار مەن اۋدانداردىڭ ەرەكەتٸنە ٸرٸ ەلدٸ مەكەندەر, جەكە مەنشٸك جەنە باسقا دا مٷلٸك جاتادى», - دەلٸنگەن ٷكٸمەت باشىسىنىڭ جاۋابىندا.
