بٸلٸم جەنە عىلىم مينيسترٸ اسحات ايماعامبەتوۆ العاشقى قوڭىراۋ سالتاناتتى شاراسىنا قاتىسۋ ٷشٸن قوسشىداعى №2 ورتا مەكتەپكە باردى, دەپ حابارلايدى "ۇلت اقپارات".
"قۇرمەتتٸ ۇستازدار, وقۋشىلار جەنە اتا-انالار. بٸلٸم كٷنٸمەن قۇتتىقتايمىن. پاندەميياعا بايلانىستى 1,5 جىلداي قاشىقتان وقۋعا تۋرا كەلدٸ. بيىلعى وقۋ جىلىن دەستٷرلٸ تٷردە وقۋدىڭ سەتٸ تٷستٸ. جالپى ەل بويىنشا 7500 مەكتەپتە 3 ملن 600 بالا جاڭا وقۋ جىلىن باستاپ وتىر. 1 قىركٷيەك, ەسٸرەسە مەكتەپ تابىلدىرىعىن العاش اتتاپ وتىرعان بٷلدٸرشٸندەر ٷشٸن ەرەكشە. قاشىقتان وقۋ بٸلٸم الۋ پروتسەسٸنٸڭ ماڭىزى مەن ونداعى مۇعالٸمنٸڭ رٶلٸن ايقىن كٶسەتٸپ بەردٸ. بٸزدٸڭ ۇستازدار پاندەميياعا قاراماستان ونلاين فورماتقا تەز بەيٸمدەلٸپ بالالارىمىزعا بٸلٸم بەردٸ. بيىلعى وقۋ جىلىنىڭ تاعى بٸر ەرەكشەلٸگٸ, 1 سىنىپقا ەلٸپپەنٸ قايتارىپ وتىرمىز. ەلٸپپەنٸڭ نەگٸزٸ ۇلت ۇستازى احمەت بايتۇرسىنۇلىنىڭ ەدٸستەمەسٸنە ساي قالانعان. بۇل بۇرىننان بار دٷنيە بٸز ونى جاڭعىرتىپ وتىرمىز. وسىلايشا ەلٸمٸزدەگٸ بارلىق بٷلدٸرشٸندەر العاش رەت ەلٸپپەنٸ قولدارىنا ۇستاپ وتىر. جاڭا وقۋ جىلى تابىستى بولسىن", - دەدٸ ايماعامبەتوۆ سالتاناتتى شارادا.
تسەلينوگراد اۋداندىق بٸلٸم بٶلٸمٸنٸڭ باسشىسى قانات احمەتوۆتىڭ ايتۋىنشا, جاڭا وقۋ جىلىندا قالاداعى بٸرٸنشٸ سىنىپ وقۋشىلارىنىڭ سانى 1000-نان اسقان.
"2021 جىلى قوسشى قالاسىنداعى راقىمجان قوشقارباەۆ اتىنداعى №1 مەكتەپتە بٸرٸنشٸ سىنىپ وقۋشىلارى - 385. № 2 ورتا مەكتەپتە - 635 بٸرٸنشٸ سىنىپ وقۋشىسى, "دارا" بيزنەس اكادەميياسى" مەكتەپ-ليتسەيٸندە - 96 بٸرٸنشٸ سىنىپ وقۋشىسى بار.
جالپى, بيىل قالاداعى بٸرٸنشٸ سىنىپ وقۋشىلارىنىڭ سانى - 1116 بالا. بۇل بىلتىرعىمەن سالىستىرعاندا كٶپ. بىلتىر لەسنايا پولياناداعى مەكتەپتە 480 بٸرٸنشٸ سىنىپ وقۋشىسى بولدى. بٸرٸنشٸ مەكتەپتە 320 بالا بولدى", - دەدٸ قانات احمەتوۆ.
ونىڭ ايتۋىنشا, لەسنايا پولياناداعى مەكتەپتە بيىل بٸرٸنشٸ سىنىپ وقۋشىلارىنىڭ كٶپتٸگٸنە بايلانىستى 1 "ى" سىنىبىن اشۋعا تۋرا كەلگەن. مەكتەپتە بارلىعى 26 بٸرٸنشٸ سىنىپ بار.
ال قازاقستان بويىنشا بٸرٸنشٸ سىنىپقا 394 مىڭعا جۋىق بالا بارعان.
ايتا كەتەيٸك, جەرگٸلٸكتٸ مۇعالٸمدەر 2019 جىلى مەملەكەت باسشىسى قاسىم-جومارت توقاەۆتىڭ الدىندا قوسشى مەكتەپتەرٸندەگٸ ورىن تاپشىلىعى مەسەلەسٸن كٶتەرگەن بولاتىن.
بيىل نۇر-سۇلتاننان 20 شاقىرىم جەردە ورنالاسقان قوسشى اۋىلى وبلىستىق ماڭىزى بار قالاعا اينالدى.
