قارجى جٷيەسٸ مەن قارجى نارىعىنىڭ ينفراقۇرىلىمى شتاتتىق رەجيمدە جۇمىس ٸستەيدٸ. بۇل تۋرالى قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى قازاقپارات تٸلشٸسٸ.
«تەۋەلسٸز قازاقستان تاريحىنداعى بۇرىن-سوڭدى بولماعان قايعىلى وقيعالارعا بايلانىستى ۇلتتىق بانك قارجى نارىعىن رەتتەۋ جەنە دامىتۋ اگەنتتٸگٸمەن جەنە باسقا مٷددەلٸ ورگاندارمەن بٸرلەسٸپ سٸزدٸڭ تاپسىرماڭىز بويىنشا ەلدەگٸ قارجىلىق جەنە باعا تۇراقتىلىعىن قامتاماسىز ەتۋ ٷشٸن مىناداي شارالاردى ٸسكە اسىردى. تٶتەنشە جاعداي رەجيمٸ كەزٸندە بەرگەن سٸزدٸڭ شۇعىل تاپسىرمالارىڭىز شەڭبەرٸندە قارجى جٷيەسٸ قىسقا مەرزٸمدە شتاتتىق جۇمىس رەجيمٸنە قايتا ورالدى, وسى جىلعى 7 قاڭتاردان باستاپ حالىققا ارنالعان نەگٸزگٸ بانكتٸك جەنە باسقا دا قارجىلىق سەرۆيستەر كەزەڭ-كەزەڭٸمەن قالپىنا كەلتٸرٸلدٸ», دەدٸ ول پرەزيدەنتتٸڭ بيزنەس ٶكٸلدەرمەن كەزدەسۋٸ بارىسىندا.
ونىڭ اتاپ ٶتۋٸنشە, بيىلعى جىلعى 10 قاڭتاردان باستاپ اقشا جەنە قور نارىقتارىنداعى وپەراتسييالار قايتا ٸسكە قوسىلدى. ۇلتتىق بانك ستاندارتتى قۇرالدارعا قوسىمشا قازاقستان قور بيرجاسىندا رەپو جەنە سۆوپ وپەراتسييالارى ارقىلى ٶتٸمدٸلٸكتٸ ۇسىنۋ بويىنشا وپەراتسييالار جٷرگٸزدٸ. بيىلعى جىلعى 18 قاڭتاردا جاعداي تۇراقتانعاننان كەيٸن ٶتٸمدٸلٸكتٸ ۇسىنۋ بويىنشا ارنايى قۇرالداردى پايدالانۋ توقتاتىلدى.
«ۇلتتىق بانك نارىقتى قولما-قول شەتەل ۆاليۋتاسىمەن جەنە ۇلتتىق ۆاليۋتامەن ٷزدٸكسٸز تولىقتىرىپ وتىرۋدى قامتاماسىز ەتتٸ, ەكٸنشٸ دەڭگەيدەگٸ بانكتەردٸڭ بارلىق سۇراتۋلارى تولىق كٶلەمدە قاناعاتتاندىرىلدى. بيىلعى جىلعى 12 قاڭتاردا قازاقستان قور بيرجاسىنىڭ ۆاليۋتالىق الاڭىندا تولىققاندى ساۋدا-ساتتىق قايتا ٸسكە قوسىلدى جەنە حالىقارالىق تٶلەمدەر مەن اۋدارىمداردى جٷرگٸزۋ قامتاماسىز ەتٸلدٸ. بٷگٸندە قارجى جٷيەسٸ مەن قارجى نارىعىنىڭ ينفراقۇرىلىمى شتاتتىق رەجيمدە جۇمىس ٸستەيدٸ جەنە بارلىق قىزمەت تٷرلەرٸن كٶرسەتەدٸ», دەدٸ ەربولات دوساەۆ.
