اۋىل شارۋاشىلىعى مينيسترٸ ەربول قاراشٶكەەۆ قانت ٶندٸرۋشٸلەرٸمەن كەزدەستٸ. بۇل تۋرالى قازاقپارات اشم سٸلتەمە جاساپ حابارلايدى.
مينيستر قازاقستاننىڭ وڭتٷستٸك ٶڭٸرلەرٸنە (الماتى, تٷركٸستان جەنە قىزىلوردا وبلىستارى) جۇمىس ساپارى اياسىندا الماتى وبلىسىنىڭ قانت جەنە قانت قىزىلشاسىن ٶندٸرۋشٸلەرمەن كەزدەستٸ. كەزدەسۋ كٶكسۋ قانت زاۋىتى بازاسىندا ٶتتٸ, وندا مينيسترگە قايتا ٶڭدەۋ جەلٸسٸ كٶرسەتٸلٸپ, جاڭعىرتۋ جۇمىستارى جەنە ٶندٸرٸستٸ ۇلعايتۋ جوسپارلارى تۋرالى ايتىلدى.
قانت قىزىلشاسىن ٶندٸرۋشٸلەرمەن كەزدەسۋ كەزٸندە ەربول قاراشٶكەەۆ قانت سالاسىن دامىتۋ ٷشٸن مينيسترلٸك ەگٸس القاپتارىن ۇلعايتۋدى ىنتالاندىراتىنىن, اۋىل شارۋاشىلىعى تاۋارىن ٶندٸرۋشٸلەرگە تۇقىم, تىڭايتقىشتار مەن گەربيتسيدتەر, تەحنيكا ساتىپ الۋعا جۇمسالعان شىعىنداردى ٶتەۋ كٶزدەلگەنٸن ايتتى. سونداي-اق, سالانى تەحنولوگييالىق قايتا جاراقتاندىرۋ ٷشٸن ينۆەستيتسييالىق سۋبسيدييالار مەن اينالىم قاراجاتىن تولىقتىرۋعا جەڭٸلدٸكتٸ كرەديت بەرٸلەتٸنٸن اتاپ ٶتتٸ.
اٶك دامىتۋ جٶنٸندەگٸ ۇلتتىق جوباعا سەيكەس, قولدا بار قانت زاۋىتتارىن جاڭعىرتۋ جەنە وتاندىق قانتپەن قامتاماسىز ەتٸلۋ دەڭگەيٸن 80% دەيٸن ارتتىرۋ جوسپارلانىپ وتىر.
اتالعان مەسەلەنٸ جان-جاقتى شەشۋ ٷشٸن مينيسترلٸك پرەمەر-مينيستردٸڭ تاپسىرماسى بويىنشا قانت جەنە قانت قىزىلشاسىن ٶندٸرۋ تۇجىرىمداماسىن ەزٸرلەۋگە كٸرٸستٸ.
ٶز كەزەگٸندە ٶندٸرۋشٸلەر تاۋارلىق-ماتەريالدىق قۇندىلىقتار باعاسىنىڭ ٶسۋٸنە, وتاندىق شيكٸزات ٶندٸرٸسٸنٸڭ كٶلەمٸن ۇلعايتۋعا, سۋ ٷنەمدەۋ تەحنولوگييالارىن ەنگٸزۋگە قاتىستى سۇراق قويدى.
كەزدەسۋ قورىتىندىسى بويىنشا قانت جەنە قانت قىزىلشاسىن ٶندٸرۋشٸلەر ٶزدەرٸنٸڭ ناقتى ۇسىنىستارىن دايىنداۋعا كەلٸستٸ. مينيسترلٸك ونى مۇقييات قاراپ, قاجەت بولعان جاعدايدا قانت جەنە قانت قىزىلشاسىن ٶندٸرۋ تۇجىرىمداماسىنىڭ جوباسىنا ەنگٸزەتٸن بولادى.
ۆەدومستۆو باسشىسى «حيلنيچەنكو جەنە ك» كومانديتتٸك سەرٸكتەستٸگٸندە بولىپ, ديٸرمەندٸ, سٷت-تاۋار فەرماسىن جەنە قايتا ٶڭدەۋ تسەحتارىن ارالاپ كٶردٸ. سونىمەن بٸرگە فەرمەرلەرمەن كٶكتەمگٸ ەگٸس جۇمىستارىنا دايىندىق مەسەلەلەرٸن, سالانى دامىتۋدى, مينيسترلٸكتٸڭ ارالاسۋىن تالاپ ەتەتٸن اعىمداعى جٷيەلٸ پروبلەمالاردى تالقىلادى.
مينيستردٸڭ وڭتٷستٸك ٶڭٸرلەرگە جاسالعان ٷش كٷندٸك جۇمىس ساپارىنىڭ قورىتىندىسى ٷكٸمەتكە جەتكٸزٸلٸپ, اگروٶنەركەسٸپتٸك كەشەندٸ ودان ەرٸ دامىتۋ بويىنشا ۇسىنىستار مۇقييات تالدانىپ, دايىندالاتىن بولادى.
