ەلٸمٸزدەگٸ بٸلٸم ساپاسى ەۋروپالىق ستاندارتتارمەن سەيكەس كەلەدٸ. بۇل تۋرالى «ٶڭٸرلٸك دەڭگەيدەگٸ جاھاندىق قازاقستان بولون پروتسەسٸندە جەنە ەۋرووداق جوبالارىندا» حالىقارالىق ونلاين فورۋمىندا قر بٸلٸم جەنە عىلىم ۆيتسە-مينيسترٸ ميراس دەۋلەنوۆ ايتتى, دەپ حابارلايدى قازاقپارات.
«2020 جىلى قازاقستاننىڭ بولون پروتسەسٸنە قادام باسقانىنا 10 جىل تولادى. بۇل قازاقستاننىڭ جوعارى بٸلٸمٸ ٷشٸن ماڭىزدى جەنە تاريحي وقيعا. 2010 جىلدان باستاپ بٸز وسى باعىتتى دامىتۋعا تىرىستىق. قازاقستان بولون پروتسەسٸنٸڭ 47-شٸ مەملەكەت-قاتىسۋشىسى بولدى, سول كەزدە بارلىعى بۇل پروتسەستٸڭ ەۋروپالىق ايماقتان اسىپ كەتەتٸنٸن تٷسٸندٸ», - دەيدٸ ميراس دەۋلەنوۆ.
ۆيتسە-مينيستر بولون پروتسەسٸنٸڭ ماقساتى – بارلىق اكادەمييالىق دەرەجەلەر مەن باسقا دا بٸلٸكتٸلٸكتەر ەڭبەك نارىعىنا باعىتتالۋى كەرەك بولعاندىقتان, تٷلەكتەردٸڭ ويداعىداي جۇمىسپەن قامتىلۋىن قامتاماسىز ەتۋ ەكەنٸن اتاپ ٶتتٸ. تيٸسٸنشە, قازاقستاننىڭ جوعارى بٸلٸم بەرۋ جٷيەسٸندە باكالاۆريات, ماگيستراتۋرا جەنە PhD باعدارلامالارى ٷشٸن كادرلاردى دايارلاۋدىڭ ٷش دەڭگەيلٸ مودەلٸ ەنگٸزٸلدٸ.
«بٸلٸم بەرۋ پروتسەسٸنٸڭ ٷزدٸكسٸزدٸگٸ, ونىڭ دەڭگەيلەرٸنٸڭ ساباقتاستىعىن قامتاماسىز ەتۋ – قازاقستاننىڭ بٸلٸم بەرۋ ساياساتىنىڭ باستى قاعيدالارىنىڭ بٸرٸ. بٸرٸنشٸ تسيكل باعدارلاماسى سەتتٸ اياقتالعاننان كەيٸن ەكٸنشٸ تسيكل باعدارلاماسىنا, ال ەكٸنشٸ تسيكل اياقتالعاننان كەيٸن ٷشٸنشٸ تسيكل باعدارلاماسىنا قول جەتكٸزۋگە بولادى. بارلىق ۋنيۆەرسيتەت نەسيەلٸك بٸلٸم بەرۋ جٷيەسٸنە كٶشتٸ. 2018 جىلدان باستاپ قازاقستاندىق نەسيە ECTS نەسيەسٸمەن تەڭەستٸرٸلدٸ. وقۋ جٷكتەمەسٸن اۋىستىرۋ كەزٸندە بارلىق ۋنيۆەرسيتەتتەردە ECTS قولدانىلادى. بٸلٸم بەرۋ باعدارلامالارى مەن ولاردىڭ كومپونەنتتەرٸ بەكٸتٸلگەن كەسٸبي ستاندارتتارعا سەيكەس سيپاتتالعان. وقىتۋدىڭ نەتيجەلەرٸن ەسكەرە وتىرىپ, جۇمىس بەرۋشٸلەر ولاردى دامىتۋعا بەلسەندٸ قاتىسادى, بٸلٸم بەرۋ باعدارلامالارىنىڭ تٸزٸلٸمٸ جاسالعان. ستۋدەنتتەردٸڭ اكادەمييالىق ۇتقىرلىعى باعدارلاماسى كٷشەيە تٷستٸ. 2011 جىلدان باستاپ باعدارلاماعا قاتىساتىن ماگيسترانتتاردىڭ سانى 2020 جىلدىڭ بٸرٸنشٸ جارتىجىلدىعىندا تٶرت ەسە ٶسٸپ, 1373 ادامعا جەتتٸ. شەتەلدٸك ۋنيۆەرسيتەتتەرمەن قوس ديپلومدى بٸرلەسكەن باعدارلامالار بەلسەندٸ تٷردە ەنگٸزٸلە باستادى, بۇل حالىقارالىق ستاندارتتاردى ەنگٸزۋ ارقىلى قازاقستاندىق بٸلٸم ساپاسىن ارتتىرعانى سٶزسٸز. اعىلشىن تٸلٸندەگٸ باعدارلامالار سانى كٶبەيدٸ, شەتەلدٸك ستۋدەنتتەر سانى ارتىپ كەلەدٸ», - دەيدٸ ول.
ونىڭ ايتۋىنشا, ٶتكەن وقۋ جىلىندا قازاقستاننىڭ جوعارى وقۋ ورىندارىندا 40 مىڭ شەتەلدٸك ستۋدەنت وقىدى, بۇل 2017 جىلمەن سالىستىرعاندا ەكٸ ەسە كٶپ. شەتەل تٸلٸندە سٶيلەيتٸن ستۋدەنتتەر سانى ارتتى.
«بولون پروتسەسٸنە قاتىسۋ ۇلتتىق بٸلٸم بەرۋ ساپاسىن ەۋروپالىق ستاندارتتارعا سەيكەستەندٸرۋگە مٷمكٸندٸك بەردٸ. سىرتقى ساپا كەپٸلدٸگٸ جٷيەسٸ اككرەديتتەۋ مەحانيزمٸ ارقىلى جٷزەگە اسىرىلادى. قازٸرگٸ كەزدە ۋنيۆەرسيتەتتەر مەن بٸلٸم بەرۋ باعدارلامالارىن تەۋەلسٸز اككرەديتتەۋدٸ 11 اككرەديتتەۋ ورگانى جٷزەگە اسىرادى, ونىڭ 6-ۋى قازاقستاندىق جەنە 5-ەۋٸ شەتەلدٸك اگەنتتٸك», – دەيدٸ ۆيتسە-مينيستر.
