بٷگٸن قازاقستان حالقى اسسامبلەياسى جانىنداعى 1774 انالار كەڭەسٸ رۋحاني جاڭعىرۋ اياسىندا وڭتٷستٸك قازاقستان وبلىسىندا باس قوستى, دەپ حابارلايدى "ۇلت اقپارات".
شىمكەنت قالاسىنداعى قازاقستان ينجەنەرلٸ-پەداگوگيكالىق حالىقتار دوستىعى ۋنيۆەرسيتەتٸندە جينالعان انالار «رۋحاني جاڭعىرۋ» باعدارلامالىق ماقالاسىن ٸسكە اسىرۋداعى انالار كەڭەسٸنٸڭ رٶلٸن تالقىلادى. جيىنعا قازاقستان حالقى اسسامبلەياسى تٶراعاسىنىڭ ورىنباسارى, حاتشىلىق مەڭگەرۋشٸسٸ دارحان مىڭباي, وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ, قر باس پروكۋراتۋراسى مەن قحا قىزمەتكەرلەرٸ, عالىمدار, رەسپۋبليكالىق قوعامدىق ۇيىمداردىڭ جەتەكشٸلەرٸ, بارلىق وبلىستارداعى انالار كەڭەستەرٸنٸڭ تٶرايىمدارى قاتىستى.
باس قوسۋدا سٶز العان وبلىس ەكٸمٸ ج.تٷيمەباەۆ جەر جٷزٸندەگٸ بارلىق حالىقتىڭ ٶز الدىنا ۇلت بولىپ ۇيىسۋىنا, جەكە حالىق, ەگەمەن ەل, دەربەس مەملەكەت بولىپ قالىپتاسۋىنا ەيەل-انالاردىڭ سٸڭٸرگەن ەڭبەگٸ وراسان ەكەنٸن ايتتى.
«بٷگٸندە بٸزدٸڭ قوعامداعى انالارىمىز ەلٸمٸزدە بولىپ جاتقان بارلىق جاعىمدى جاڭالىقتارعا, قوعامداعى ٶمٸرشەڭ ٶزگەرٸستەرگە, يدەيالىق-ساياسي, ەلەۋمەتتٸك-مەدەني جۇمىستارعا, مەملەكەتٸمٸزدٸڭ بٷكٸل تىنىس-تٸرشٸلٸگٸنە بەلسەنە ارالاسىپ وتىر. ستاتيستيكالىق مەلٸمەتتەرگە سٷيەنسەك, بٸزدەگٸ جالپى مەملەكەتتٸك قىزمەتشٸلەردٸڭ تەڭ جارتىسىنان استامى ەيەلدەردٸڭ ٷلەسٸنە تيەدٸ ەكەن. بۇل – ٷلكەن كٶرسەتكٸش, جوعارى نەتيجە, جاقسىلىقتىڭ نىشانى. قازاقستان حالقى اسسامبلەياسى جانىنان انالار كەڭەسٸن قۇرۋ ەلدٸگٸمٸزگە تەن, تاريحي دەستٷرٸمٸزبەن تامىرلاس باستاما بولىپ تابىلادى. ٶيتكەنٸ, انانىڭ اق باتاسىمەن ەلدٸڭ كٶسەگەسٸ كٶگەرگەن, ونىڭ بٸر اۋىز سٶزٸمەن ەل ٸشٸن الاتايداي بٷلدٸرگەن نەبٸر ٶنبەس داۋلارعا نٷكتە قويىلعان», - دەدٸ ەكٸم.
رەسپۋبليكالىق وتىرىستا مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعانداي, ۇلتتىق دەستٷردٸ نەگٸزگە الا وتىرىپ, وتباسى قۇندىلىقتارىن دەرٸپتەۋ, ۇرپاق تەربيەسٸندەگٸ ٶزەكتٸ مەسەلەلەردٸ تالقىلاپ, ۇسىنىستار ەزٸرلەۋ, ۇرپاقتان ۇرپاققا جالعاسىپ كەلە جاتقان ٶزارا سىيلاستىق پەن تاتۋلىق, مەيٸرٸمدٸلٸك, بٸرلٸك پەن كەلٸسٸم سەكٸلدٸ ەلدٸگٸمٸزدٸڭ تٸرەگٸ بولعان قۇندىلىقتاردى كەڭٸنەن ناسيحاتتاۋ جايى قارالدى.
ايتا كەتۋ كەرەك, بٷگٸندە قازاقستان حالقى اسسامبلەياسى جانىندا كونسۋلتاتيۆتiك-كەڭەسشi ورگان رەتiندە وبلىستىق, اۋداندىق, اۋىلدىق دەڭگەيدە 1774 انار كەڭەسٸ جۇمىس ٸستەۋدە. كەڭەستە 9234 ادام مٷشە بولىپ تابىلادى. ال, وڭتٷستٸك قازاقستان وبلىستىق قازاقستان حالقى اسسامبلەياسى جانىندا 202 انالار كەڭەستەرٸ بار. 1130-دان استام مٷشەسٸ بار كەڭەس اجىراسۋدىڭ الدىن الۋ, وتباسىداعى ۇرپاق تەربيەسi, جاسٶسپiرiمدەر اراسىنداعى قىلمىس پەن قۇقىقبۇزۋشىلىق سىندى ٶزەكتi مەسەلەلەر تٶڭiرەگiندە 640-تان استام iس-شارا ۇيىمداستىرىپ, بٸرقاتار اۋقىمدى باستامالاردى قولعا الدى.
