ەلٸمٸزدە جىل باسىنان بەرٸ 34 بالا سۋعا تۇنشىعىپ مەرت بولدى. بۇل تۋرالى قر تجم ازاماتتىق قورعانىس جەنە ەسكەري بٶلٸمدەر كوميتەتٸنٸڭ تٶراعاسى باۋىرجان سىزدىقوۆ ايتتى, دەپ حابارلايدى "ۇلت اقپارات".
«قابىلدانعان ٸس-شارالارعا قاراماستان جىل باسىنان بەرٸ بالالاردى قاراۋسىز قالدىرۋ كەسٸرٸنەن, بەلگٸلەنبەگەن جەردە سۋعا تٷسۋدٸڭ سالدارىنان 34 بالا قازا تاپتى. جالپى, جىل باسنان بەرٸ تٶتەنشە جاعدايلار مينيسترلٸگٸنٸڭ ماماندارى 48ادامدى, ونىڭ ٸشٸندە 6 بالانى قۇتقاردى», - دەدٸ كوميتەت تٶراعاسى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
كوميتەت باسشىسىنىڭ دەرەگٸنشە, ەلٸمٸزدە سۋعا تٷسۋگە ارنالعان 469 ورىن بار. ونىڭ 118-ٸ كوممۋنالدىق جەنە 275-سٸ جەكەمەنشٸك جاعاجاي سانالادى. ايتا كەتەرلٸگٸ, جىل باسىنان بەرٸ تٶتەنشە جاعدايلار مينيسترلٸگٸ ورتالىق جەنە جەرگٸلٸكتٸ اتقارۋشى ورگاندارمەن بٸرلەسٸپ, سۋ قويناۋلارىندا ورىن الاتىن تٶتەنشە وقيعالار تەۋەكەلٸن تٶمەندەتۋگە باعىتتالعان كەشەندٸ ٸس-شارالاردى قولعا الىپ, دەر ۋاقىتىندا جٷرگٸزٸپ جاتىر. مەسەلەن, 31 ناۋرىزدا تٶتەنشە جاعدايلار مينيسترٸنٸڭ بۇيرىعىمەن بارلىق دەڭگەيدەگٸ ەكٸمدٸكتەر مەن مەملەكەتتٸك ورگانداردىڭ مٸندەتٸ ايقىندالعان. شومىلۋ ماۋسىمىن ٶتكٸزۋگە ورتالىق جەنە جەرگٸلٸكتٸ اتقارۋشى ورگانداردىڭ دايىندىق مەسەلەلەرٸ جٶنٸندەگٸ ۆەدومستۆوارالىق مەملەكەتتٸك كوميسسييانىڭ وتىرىسى ٶتكٸزٸلگەن.
«ٶڭٸرلەردە سۋداعى قاۋٸپسٸزدٸكتٸ قامتاماسىز ەتۋ مەسەلەلەرٸ بارلىق دەڭگەيدەگٸ تٶتەنشە جاعدايلار جٶنٸندەگٸ كوميسسييالاردىڭ وتىرىسىندا قارالدى», - دەدٸ باۋىرجان سىزدىقوۆ.
