قازاقستاندا جاڭا IT جٷيە, الاڭ قۇرىلماق. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين مەلٸم ەتتٸ, دەپ حابارلايدى قازاقپارات.
«بٸز GovTech دەگەن جاڭا ەكو-جٷيە, پلاتفورما قۇرامىز. ول جەرگە كەز كەلگەن باعدارلاماشى كٸرٸپ, ٶز جوباسىن جٷكتەپ, ۇسىنا الادى. ول ٷشٸن ارنايى ٶتٸنٸش بەرۋدٸڭ قاجەتٸ جوق. بۇل وتاندىق IT ماماندارىنا بەرٸلٸپ وتىرعان جاڭا مٷمكٸندٸك. ياعني ٶز يدەياسى مەن مٷمكٸندٸگٸن پورتال ارقىلى ۇسىنا الادى. سول ارقىلى باعدارلاماشى پايدا تاپسا, ال مەملەكەتتٸك قىزمەت جٷيەسٸ جەتٸلە تٷسەدٸ. بۇنى وتاندىق IT سالاسىنداعى ەركٸندٸك دەپ تٷسٸنۋ كەرەك. بۇل دەگەنٸمٸز ەربٸر قازاقستاندىق ازامات اۋىلدا, قالادا جٷرسەدە مەملەكەتتٸك قىزمەت پەن IT سالاسىنا ٶز ٷلەسٸن قوسا الادى دەگەندٸ بٸلدٸرەدٸ», - دەدٸ باعدات مۋسين «اشىق الاڭ» تەلەباعدارلاماسى ەفيرٸندە.
مينيستردٸڭ ايتۋىنشا, بٷگٸندە وتاندىق IT مامانداردىڭ ەلەۋەتٸ زور, مٷمكٸندٸگٸ مول.
«مەن مينيستر رەتٸندە جاي وتىرعان جوقپىن, مەن جالپى جاعدايدى تٷسٸنەم جەنە بٸلەم. بٸز ٶزٸندٸك IT ينفراقۇرىلىم قۇرامىز جەنە ونى باسقارىپ, مەڭگەرە الامىز. بٸزدٸڭ قويىلىپ وتىرعان مٸندەت, بٸلٸم مەن بٸلٸكتٸلٸگٸمٸزدٸ جەتٸلدٸرٸپ, دامىتۋ», - دەيدٸ ول.
