Qazaqstanda jańa IT júie, alań qurylmaq. Bul týraly QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin málim etti, dep habarlaidy QazAqparat.
«Biz GovTech degen jańa eko-júie, platforma quramyz. Ol jerge kez kelgen baǵdarlamashy kirip, óz jobasyn júktep, usyna alady. Ol úshin arnaiy ótinish berýdiń qajeti joq. Bul otandyq IT mamandaryna berilip otyrǵan jańa múmkindik. Iaǵni óz ideiasy men múmkindigin portal arqyly usyna alady. Sol arqyly baǵdarlamashy paida tapsa, al memlekettik qyzmet júiesi jetile túsedi. Buny otandyq IT salasyndaǵy erkindik dep túsiný kerek. Bul degenimiz árbir qazaqstandyq azamat aýylda, qalada júrsede memlekettik qyzmet pen IT salasyna óz úlesin qosa alady degendi bildiredi», - dedi Baǵdat Mýsin «Ashyq alań» telebaǵdarlamasy efirinde.
Ministrdiń aitýynsha, búginde otandyq IT mamandardyń áleýeti zor, múmkindigi mol.
«Men ministr retinde jai otyrǵan joqpyn, men jalpy jaǵdaidy túsinem jáne bilem. Biz ózindik IT infraqurylym quramyz jáne ony basqaryp, meńgere alamyz. Bizdiń qoiylyp otyrǵan mindet, bilim men biliktiligimizdi jetildirip, damytý», - deidi ol.
