ەلٸمٸزدە ۆولونتەرلٸك قىزمەتتٸ قولداۋ ستاندارتى ەزٸرلەنەدٸ. بۇل تۋرالى ٷكٸمەت وتىرىسىندا قر اقپارات جەنە قوعامدىق دامۋ مينيسترٸ ايدا بالاەۆا ايتتى, دەپ حابارلايدى قازاقپارات.
«ەل پرەزيدەنتٸنٸڭ باستاماسىمەن قولعا الىنعان ۆولەنتەرلٸك قوزعالىس بٷگٸندە جالپىحالىقتىق قولداۋعا يە بولعان جوباعا اينالدى. ەسٸرەسە, بىلتىرعى پاندەمييا كەزٸندە حالىقتىڭ شىنايى قايىرىمدىلىق قاسيەتٸ مەن ەلگە دەگەن جەكە جاۋاپكەرشٸلٸگٸ ەرەكشە بٸلٸندٸ. وسى 1 جىلدىڭ ٸشٸندە ۆولونتەرلٸك قىزمەتتٸڭ قارقىنى ارتىپ, باعدارلامالار مەن جوبالاردىڭ اۋقىمى ايتارلىقتاي كەڭەيە تٷستٸ. اتاپ ايتقاندا, ۆولونتەرلٸك ۇيىمداردىڭ سانى 3 ەسەگە, ەرٸكتٸلەر قاتارى 4 ەسەگە كٶبەيدٸ. پاندەمييا كەزٸندە 500 مىڭعا جۋىق ازامات ۆولونتەرلٸك قىزمەتكە قاتىسىپ, 1 ملن-نان استام جانعا ناقتى كٶمەك كٶرسەتٸلدٸ. 80 مىڭنان استام ازىق-تٷلٸك سەبەتٸ, 4,5 ملن مەديتسينالىق جابدىق تاراتىلدى», - دەدٸ مينيستر.
ونىڭ اتاپ ٶتۋٸنشە, وسى قالىپتاسقان اۋقىمدى مٷمكٸندٸكتەر مەن ادامي رەسۋرستى ساقتاي وتىرىپ, ۆولونتەرلٸكتٸ دامىتۋدىڭ جول كارتاسى اياسىندا ەرٸكتٸلەر قوزعالىسىن قولداۋ بيىل دا ٶز جالعاسىن تاۋىپ جاتىر.
«بۇل Nur Otan پارتيياسىنىڭ دا سايلاۋالدى باعدارلاماسىندا كٶرسەتٸلگەن باسىمدىقتاردىڭ بٸرٸ. جول كارتاسىنىڭ كەشەندٸ ٸس-شارالار توپتاسى اياسىندا بٸرقاتار باعىت ايقىندالدى. اتاپ ايتقاندا, بٸرٸنشٸ – زاڭنامالىق دەڭگەيدە ٶزگەرٸستەر ەنگٸزۋ. ونىڭ اياسىندا وقۋعا تاپسىرۋ مەن جۇمىسقا ورنالاسۋ كەزٸندە جەڭٸلدٸكتەر قاراستىرۋ, ۆولونتەرلەردٸڭ قۇقىعى مەن مٸندەتتەرٸن كەڭەيتۋ, ەرٸكتٸلەردٸڭ ەڭ تٶمەنگٸ جاس شەگٸن بەلگٸلەۋ جەنە كورپوراتيۆتٸك ۆولونتەرلٸك نورمالارى سيياقتى جاڭاشىلدىقتار دا قاراستىرىلعان. جارييا تالقىلاۋدان ٶتكەن سوڭ زاڭ جوباسى 1-شٸلدەگە دەيٸن ٷكٸمەت قاراۋىنا ەنگٸزٸلەتٸن بولادى. بۇعان قوسا, ۆولونتەرلٸك قىزمەتتٸ قولداۋ ستاندارتى ەزٸرلەنٸپ, ونىڭ نەگٸزٸندە مەملەكەتتك ورگاندارعا وسى باعىت بويىنشا تيٸستٸ باعىت-باعدار بەرٸلەتٸن بولادى», - دەدٸ ايدا بالاەۆا.
مينيستردٸڭ ايتۋىنشا, ەكٸنشٸ – ۆولونتەرلٸك ينفراقۇرىلىم.
«ۆولونتەرلەر قۇرعان رەسپۋبليكالىق جەنە 17 ٶڭٸرلٸك فرونت-كەڭسەلەر ٶز جۇمىسىن جالعاستىرۋدا. بيىلعى جىلدىڭ 1-جارتىجىلدىعىندا 113 مىڭنان استام ۆولونتەردٸڭ قاتىسۋىمەن 6 مىڭعا جۋىق ٸس-شارا ٶتكٸزٸلدٸ. ٷشٸنشٸ – ۆولونتەرلٸك جوبالار مەن باستامالاردى ٸسكە اسىرۋ. جول كارتاسى اياسىندا جالپى سوماسى 528,3 ملن تەڭگەنٸ قۇرايتىن 40-تان استام جوبانى ٸسكە اسىرۋ قاراستىرىلعان. اقپارات مينيسترلٸگٸ تاراپىنان 13 ۆولونتەرلٸك جوباعا 438,6 ملن تەڭگە بٶلٸنٸپ وتىر. ونىڭ اياسىندا جانۋارلارعا جاناشىرلىقتى كٶزدەيتٸن «بٸرگە ايالا», اعا ۇرپاقتى ۆولونتەرلٸك قىزمەتكە شاقىراتىن «كٷمٸس» ۆولونتەرلٸك جوبالارى, سونىمەن قاتار باسقا دا ٶزەكتٸ تاقىرىپتار بويىنشا 130-دان استام شاعىن گرانتتار قاراستىرىلعان», - دەدٸ ول.
