قازاقستاندا 15 قىركٷيەك كٷنٸ تۇماۋعا قارسى ۆاكتسيناتسييا باستالادى. بۇل تۋرالى قر دەنساۋلىق ساقتاۋ بٸرٸنشٸ ۆيتسە-مينيسترٸ مارات شورانوۆ ايتتى, دەپ حابارلايدى قازاقپارات.
«جاقىنداپ قالعان جرۆي, ياعني تۇماۋ ماۋسىمىنا ايرىقشا توقتالىپ ٶتكٸم كەلەدٸ. بيىل بيۋدجەت قاراجاتى ەسەبٸنەن رەسەيدە شىعارىلعان «گريپپول+» ۆاكتسيناسىنىڭ 2,5 ملن دوزاسى ساتىپ الىندى. ۆاكتسينا قۇرامىندا الداعى ماۋسىمعا قارسى شتامم بار. بۇل رەسپۋبليكانىڭ جالپى تۇرعىندارىنىڭ 13 پايىزىن قامتۋعا مٷمكٸندٸك بەرەدٸ. دٷنيەجٷزٸلٸك دەنساۋلىق ساقتاۋ ۇيىمىنىڭ ۇسىنىسى – 10 پايىز. جرۆي مەن تۇماۋعا قارسى ۆاكتسيناتسييا 15 قىركٷيەكتە باستالادى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
بٸرٸنشٸ ۆيتسە-مينيستردٸڭ اتاپ ٶتۋٸنشە, وسىعان وراي ەلٸمٸزدٸڭ باس مەملەكەتتٸك سانيتار دەرٸگەرٸنٸڭ قاۋلىسى قابىلدانعان.
«مەملەكەتتٸك بيۋدجەت قاراجاتى ەسەبٸنەن حالىقتىڭ ەڭ ەلسٸز توبى ۆاكتسيناتسييالاناتىندىعىن اتاپ ٶتكٸم كەلەدٸ. ولار: مەديتسينا قىزمەتكەرلەرٸ, مەديتسينالىق ۇيىمداردا ديسپانسەرلٸك ەسەپتە تۇرعان بالالار, جەتٸم بالالار جەنە اتا-اناسىنىڭ قامقورلىعىنسىز قالعان بالالار جەنە باسقالارى. بۇعان قوسا, جۇمىس بەرۋشٸلەردٸڭ جەنە حالىقتىڭ جەكە قاراجاتى ەسەبٸنەن دە ۆاكتسيناتسييا جٷرگٸزٸلەدٸ», - دەدٸ مارات شورانوۆ.
ونىڭ ايتۋىنشا, رەسەيلٸك ۆاكتسينادان بٶلەك قازاقستان اۋماعىندا تاعى 3 ٶندٸرۋشٸنٸڭ 4 ۆاكتسيناسى تٸركەلگەن. اتاپ ايتقاندا, سانوفي-پاستەر (فرانتسييا) ٶندٸرگەن «ۆاكسيگريپ تەترا», ينفليۋۆاك (نيدەرلاندى) مەن سينوۆاك بيوتەك (كيتاي) كومپانييالارى ٶندٸرگەن ۆاكتسينالاردى دا الۋعا بولادى.
