فوتو: Dauletten.kz
ەلٸمٸزدە ميكروقارجى ۇيىمدارىنا قاتىستى جاڭا ەرەجەلەر ەنگٸزٸلدٸ. ەندٸ تٶلەمٸن 90 كٷننەن كەشٸكتٸرگەن ازاماتتارعا قايتا نەسيە بەرۋ شەكتەلەدٸ. سونداي-اق سىياقى مٶلشەرلەمەسٸ مەن قارىزدى ٶتەۋ شارتتارىن بٸرجاقتى ٶزگەرتۋدٸ دە توقتاتۋ كٶزدەلگەن, دەپ حابارلايدى Ult.kz.
ميكروقارجى ۇيىمدارى قارىزىن ٷش اي تٶلەمەگەندەرگە نەسيە رەسٸمدەي المايدى. سونىمەن قاتار ٶسٸمپۇل ەسەپتەۋ مەرزٸمٸ بويىنشا دا شەكتەۋ ەنگٸزٸلدٸ: 3 ايدان كەيٸنگٸ ايىپاقىنى تالاپ ەتۋگە ۇيىمداردىڭ قۇقىعى بولمايدى.
تاعى بٸر ماڭىزدى ٶزگەرٸس – ميكروقارجى ۇيىمدارىنىڭ بورىشتى ٶندٸرٸپ الۋ ماقساتىندا جەكە سوت ورىنداۋشىلارىمەن نەمەسە نوتاريۋستارمەن ىنتىماقتاستىق ورناتۋىنا تىيىم سالىنۋى. بۇدان بٶلەك, تۇتىنۋشىنىڭ كەلٸسٸمٸنسٸز قارىز شارتىن ۇزارتۋ مٷمكٸندٸگٸ جويىلادى.
