بٷگٸننەن باستاپ تەمەكٸ ٶنٸمدەرٸنٸڭ باعاسى تاعى 20 تەڭگەگە كٶتەرٸلەدٸ. قر ٷكٸمەتٸنٸڭ №587 قاۋلىسىنا سەيكەس, فيلترلٸ, فيلرسٸز سيگارەتتەر مەن پاپيروستارعا شەكتٸ باعانى ورناتىپ قانا قويماي, ونى بٸرتٸندەپ كٶتەرۋ جوسپارلانعان, دەپ xابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
اتالعان قۇجات بويىنشا 2018 جىلى 1 شٸلدەدەن باستاپ 31 جەلتوقسانعا دەيٸن بٸر قوراپ تەمەكٸنٸڭ ەڭ تٶمەنگٸ باعاسى 360 تەڭگە بولۋى شارت. بۇعان دەيٸن 20 دانا فيلترلٸ-فيلترسٸز سيگارەتتەر مەن پاپيروستاردىڭ شەكتٸ باعاسى 340 تەڭگە بولعان. 2019 جىلى 1 قاڭتاردان باستاپ اتالعان مەجە 380 تەڭگەگە دەيٸن كٶتەرٸلەدٸ. ايتا كەتەيٸك, قازاقستاندا تەمەكٸ شەگەتٸن ازاماتتار از ەمەس. ٶتكەن جىلى 1000 دانا تەمەكٸنٸڭ اكتسيزدەرٸ 6,2 مىڭ تەڭگەگە (بٸر قوراپتان 125 تەڭگەنٸڭ سالىعى) دەيٸن كٶتەرٸلگەن بولاتىن. بيىل تاعى 7,5 مىڭ تەڭگەگە دەيٸن ٶستٸ. كەلەسٸ جىلى اتالعان سالىق 8,7 مىڭ تەڭگەگە جەتۋٸ تيٸس. الداعى ۋاقىتتا تەمەكٸ اكتسيزدەرٸنٸڭ قۇنىن كٶرشٸ رەسەيدٸڭ دەڭگەيٸنە دەيٸن كٶتەرۋ كٶزدەلٸپ وتىر. ال سالىقتىڭ مٶلشەرٸ ارتسا, باعا دا كٶتەرٸلەدٸ.
بۇدان بٶلەك, دٷكەن سٶرەلەرٸنەن تەمەكٸ ٶنٸمدەرٸن مٷلدەم الىپ تاستاۋى مٷمكٸن.
