قازاقستاندا پتر تەستٸلەۋدٸڭ باعاسى تٶمەندەۋٸ مٷمكٸن, دەپ حابارلايدى "ۇلت اقپارات" پرەمەر-مينيستردٸڭ رەسمي سايتىنا سٸلتەمە جاساپ.
بٷگٸن قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن ٶتكەن ۆەدومستۆوارالىق كوميسسييانىڭ وتىرىسىندا مەملەكەت باسشىسى ق. توقاەۆتىڭ كوروناۆيرۋس پاندەميياسىنىڭ ەكٸنشٸ تولقىنىنا دايىندىق مەسەلەلەرٸ جٶنٸندەگٸ 7 قازانداعى كەڭەستە بەرگەن تاپسىرمالارىن ورىنداۋ بويىنشا ناقتى شارالار ەزٸرلەندٸ.
جيىندا ەرالى توعجانوۆ جاۋاپتى مەملەكەتتٸك ورگاندارعا بيزنەس-قوعامداستىقپەن, سالالىق قاۋىمداستىقتارمەن بٸرلەسٸپ, حالىققا قىزمەتتٸڭ قولجەتٸمدٸلٸگٸن ارتتىرۋ ٷشٸن ٷش كٷندٸك مەرزٸمدە پتر تەستٸلەۋ باعاسىن تٶمەندەتۋ مەسەلەسٸن پىسىقتاپ, ۆەدومستۆوارالىق كوميسسييانىڭ كەلەسٸ وتىرىسىنا كەلٸسٸلگەن ۇسىنىستاردى شىعارۋدى تاپسىردى.
سونىمەن قاتار, پرەمەر-مينيستردٸڭ ورىنباسارى بٸر اپتا مەرزٸمدە ٶڭٸرلەردە پتر تەستٸلەۋدٸ بٸركەلكٸ ٶتكٸزۋدٸ قامتاماسىز ەتۋدٸ, كارانتيندٸك رەجيمدٸ بۇزۋشىلىقتاردى, ونىڭ ٸشٸندە قر مەملەكەتتٸك شەكاراسى ارقىلى ٶتكٸزۋ پۋنكتتەرٸندە, ەۋەجايلاردا, تەمٸرجول ۆوكزالدارىندا انىقتاۋ بويىنشا مونيتورينگ توپتارىنىڭ جۇمىسىنىڭ تيٸمدٸلٸگٸن ارتتىرۋدى تاپسىردى.
ەسكە سالا كەتەيٸك, كەشە مەملەكەت باسشىسى قاسىم-جومارت توقاەۆ كوروناۆيرۋسقا قاتىستى تەستٸلەۋ كٶلەمٸن ارتتىرىپ, باعاسىن قولجەتٸمدٸ ەتۋدٸ تاپسىرعان ەدٸ.
مەملەكەت باسشىسىنىڭ ايتۋىنشا, زەرتحانا جەلٸسٸ كەڭەيتٸلٸپ, بارشا ەلەمدە تەستٸلەۋ قۇنى تٶمەندەگەنٸنە قاراماستان, ەلٸمٸزدە تەستٸلەۋ باعاسى ەلٸ دە جوعارى بولىپ تۇر. بۇل تۇرعىدا باعا 10-نان 18 مىڭ تەڭگەگە دەيٸن جەتەدٸ.
«حالىقتىڭ باسىم بٶلٸگٸنە بۇل سوما تيٸمسٸز بولىپ تۇر دەپ سانايمىن. ٷكٸمەت پەن ەكٸمدەردەن تەستٸلەۋدٸڭ قارجىلىق مەسەلەسٸن شەشۋ تالاپ ەتٸلەدٸ», - دەدٸ قاسىم-جومارت توقاەۆ.
