قازاقستاندا زورلىق-زومبىلىق پەن پەدوفيلييا قىلمىسى ٷشٸن جازا كٷشەيتٸلدٸ. بۇل تۋرالى قر باس پروكۋرورىنىڭ ورىنباسارى مارات احمەتجانوۆ مەلٸمدەدٸ, دەپ حابارلايدى قازاقپارات.
سپيكەردٸڭ ايتۋىنشا, مەملەكەت باسشىسى قول قويعان قىلمىستىق, قىلمىستىق-پروتسەستٸك زاڭنامانى جەتٸلدٸرۋ بويىنشا قر زاڭى ارقىلى زورلاۋ (قىلمىستىق كودەكستٸڭ 120-بابى) جەنە نەپسٸقۇمارلىق سيپاتتاعى كٷش قولدانۋ ەرەكەتتەرٸ (قك 121-ب.) ورتاشادان اۋىر ساناتقا اۋىستىرىلدى (قك 120-بابىنىڭ 1-بٶلٸگٸ, 121-بابىنىڭ 1-بٶلٸگٸ – 5 جىلدان 8 جىلعا دەيٸن باس بوستاندىعىنان ايىرۋ).
«بۇعان دەيٸن زورلاۋ قىلمىسى ورتاشا ساناتتا بولدى جەنە قوس تاراپتىڭ ىمىراعا كەلۋٸنە, ٸستٸ سوتقا جەتكٸزبەۋگە مٷمكٸندٸك بەرٸلەتٸن. ەندٸ بۇل ساناتتاعى قىلمىس بويىنشا مەمٸلەگە كەلۋگە تىيىم سالىنادى», - دەدٸ مارات احمەتجانوۆ قر پرەزيدەنتٸ جانىنداعى ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
«جاس بالاعا قاتىستى زورلاۋ نەمەسە نەپسٸقۇمارلىق سيپاتتاعى كٷش قولدانۋ ەرەكەتتەرٸن جاساعانى ٷشٸن (قىلمىستىق كودەكستٸڭ 120-بابىنىڭ 4-بٶلٸگٸ, 121-بابى) 20 جىلعا نەمەسە ٶمٸر بويىنا باس بوستاندىعىنان ايىرۋ جازاسى عانا كٶزدەلگەن. جاس بالالاردى ٶلتٸرگەنٸ ٷشٸن دە وسىنداي جازا بەرٸلەدٸ. ەندٸ پەدوفيلييا فاكتٸلەرٸن حابارلاماعانى, جاسىرعانى جەنە بۇرمالاعانى ٷشٸن (قك 416, 432, 434-باپتارى) جازانىڭ ەڭ جوعارى مەرزٸمٸ - 6 جىلعا دەيٸن باس بوستاندىعىنان ايىرۋ», - دەدٸ مارات احمەتجانوۆ.
ايتا كەتەيٸك, مارات احمەتجانوۆ ەلٸمٸزدەگٸ قىلمىس احۋالى تۋرالى, سونداي-اق قىلمىستىق, قىلمىستىق-پروتسەستٸك زاڭنامانى جەتٸلدٸرۋ بويىنشا قر زاڭىنىڭ نەگٸزگٸ نوۆەللالارى تۋرالى ايتىپ بەردٸ. اتالعان زاڭعا قر پرەزيدەنتٸ 2019 جىلدىڭ 28 جەلتوقسانىندا قول قويدى جەنە 2020 جىلدىڭ 1 قاڭتارىنا كٷشٸنە ەنەدٸ.
