قازاقستاندا كٶرسەتٸلەتٸن مەملەكەتتٸك قىزمەتتٸڭ 93,4 پايىزى ەلەكتروندى فورماتقا اۋىستىرىلدى. بۇل تۋرالى قر مەملەكەتتٸك قىزمەت ٸستەرٸ اگەنتتٸگٸنٸڭ كەڭەيتٸلگەن القا وتىرىسىندا ايتىلدى, دەپ حابارلايدى قازاقپارات.
«الداعى ۋاقىتتا مەملەكەتتٸك قىزمەتتەر ساپاسىن باعالاۋدى ونلاين فورماتقا كەزەڭ-كەزەڭمەن كٶشٸرۋ جوسپارلانۋدا. ەلەكتروندىق قىزمەتتەردٸ دامىتۋعا كەلەر بولساق, بٷگٸندە مەملەكەتتٸك قىزمەت كٶرسەتۋ سالاسىن تسيفرلاندىرۋعا ەرەكشە كٶڭٸل بٶلٸنۋدە. تٸزٸلٸمگە سەيكەس, مەملەكەتتٸك قىزمەتتەردٸڭ 93,4% ەلەكتروندىق فورماتقا اۋدارىلدى», - دەدٸ قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى دارحان جازىقباەۆ اتالعان جيىندا.
ونىڭ ايتۋىنشا, اتالعان باعىتتاعى وڭ ٶزگەرٸستەرگە قاراماستان, جەكەلەگەن مەملەكەتتٸك قىزمەتتەر بويىنشا پروبلەما بار.
«اگەنتتٸك تۇراقتى نەگٸزدە, «ەلەكتروندىق ٷكٸمەت» پورتالىندا مەملەكەتتٸك قىزمەتتەردٸڭ كٶرسەتٸلۋٸنە مونيتورينگ جٷرگٸزٸپ, قورىتىندىسى بويىنشا پورتالدا ەلەكتروندىق قىزمەتتەردٸڭ 189 تٷرٸنە قولجەتٸمدٸلٸكتٸڭ جوقتىعىن انىقتادى. سونىمەن قاتار, اگەنتتٸكتٸڭ جەدەل مونيتورينگٸنٸڭ ارقاسىندا, «ەلەكتروندىق ٷكٸمەت» پورتالىندا 158 ەلەكتروندىق قىزمەتتٸڭ قولجەتٸمدٸلٸگٸ قامتاماسىز ەتٸلدٸ», - دەيدٸ ول.
سونىمەن قاتار اگەنتتٸك باسشىسى مەملەكەتتٸك قىزمەت سالاسى بويىنشا ەلەمدٸك ٷزدٸك تەجٸريبەلەردٸڭ زەرتتەلەتٸندٸگٸن تٸلگە تيەك ەتتٸ.
«مەملەكەتتٸك قىزمەتشٸلەردٸڭ ٶزٸنە جٷكتەلگەن تاپسىرمانى ۇتىمدى ورىنداۋى ٷشٸن, يكەمدٸ جۇمىس كەستەسٸ مەن قاشىقتىقتان جۇمىس ٸستەۋ جاعدايىن جاساۋ قاجەت. ياعني جۇمىس جاساۋ كەڭٸستٸگٸندەگٸ تيٸمدٸ جاعدايلاردى پايدالانۋ تەجٸريبەسٸن كەڭەيتۋٸمٸز كەرەك. سول سەكٸلدٸ الداعى ۋاقىتتا اگەنتتٸك ساراپشىلارمەن ورتاق تالقىلاۋدىڭ قورىتىندىسىن جەنە ەلەمدٸك تەجٸريبەنٸ جان-جاقتى زەردەلەپ, ناقتى ۇسىنىستاردى دايىندايدى», - دەدٸ جازىقباەۆ.
