قر دەنساۋلىق ساقتاۋ ۆيتسە-مينيسترٸ ەرلان قيياسوۆ ددسۇ ەۋروپالىق ايماقتىق بيۋروسىنىڭ باسقوسۋىنا قاتىستى, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
باسقوسۋعا قازاقستان, قىرعىزستان, رەسەي, تەجٸكستان, تٷرٸكمەنستان جەنە ٶزبەكستاننىڭ دەنساۋلىق ساقتاۋ مينيسترلەرٸ قاتىستى. جيىندا COVID-19 پاندەميياسىنىڭ قازٸرگٸ جاعدايى تالقىلاندى. COVID-19 ۆاكتسينالارىن تاراتۋ مەن قامتاماسىز ەتۋ, ۆاكتسيناتسييالاۋدى جٷزەگە اسىرۋ مەسەلەلەرٸ قارالدى.
«قازٸر قازاقستاندا ەپيدەميولوگييالىق احۋال تۇراقتالىپ كەلەدٸ. كوروناۆيرۋس ينفەكتسيياسىنىڭ تارالۋىنا جول بەرمەس ٷشٸن الدىن الۋ شارالارى جٷرگٸزٸلۋدە. بٷگٸنگٸ كٷنٸ كٶپتەگەن ەل, سونىڭ ٸشٸندە قازاقستان جاڭا كوروناۆيرۋس ينفەكتسيياسىنىڭ تارالۋىن بولدىرماس ٷشٸن, COVID-19-عا قارسى ۆاكتسينا جاساۋ جۇمىسىن بەلسەندٸ تٷردە جٷرگٸزٸپ جاتىر», - دەدٸ جيىندا ەرلان قيياسوۆ.
بٷگٸنگٸ تاڭدا كلينيكالىق زەرتتەۋلەردٸڭ III كەزەڭٸندە تۇرعان بٸرنەشە ۆاكتسينا بار. قازاقستان تاراپى ولاردى جٸتٸ باقىلاپ وتىر.
«كوروناۆيرۋسقا قارسى العاشقى ۆاكتسينانى جاساۋ مەن تٸركەۋدٸڭ سەتتٸ تەجٸريبەسٸن ەسكەرە وتىرىپ, قر دەنساۋلىق ساقتاۋ مينيسترلٸگٸ مەن رەسەيدٸڭ تٸكەلەي ينۆەستيتسييالار قورى اراسىندا ىنتىماقتاستىق تۋرالى كەلٸسٸمگە قول قويىلدى. وعان سەيكەس رەسەي فەدەراتسيياسى «سپۋتنيك V» ۆاكتسيناسىن قازاقستان اۋماعىندا ٶندٸرۋگە ارنالعان تەحنولوگييالىق ترانسفەردٸ, كەمٸندە 2 ملن دوزا ۆاكتسينا ٶندٸرۋگە سۋبستانتسييا بەرەدٸ. بۇل مەسەلە رەسەيلٸك ماماندارمەن ەگجەي-تەگجەيلٸ پىسىقتالۋدا», - دەدٸ ۆيتسە-مينيستر.
وسى جىلدىڭ ماۋسىم ايىندا جامبىل وبلىسىندا قر بعم عىلىم كوميتەتٸنٸڭ بيولوگييالىق قاۋٸپسٸزدٸك پروبلەمالارى عزي جانىنان قۋاتى 60 ميلليون دوزاعا دەيٸن ۆاكتسينا ٶندٸرەتٸن زاۋىتتىڭ قۇرىلىسى باستالعان. ەلەم ەلدەرٸمەن بٸرگە قازاقستاندىق عالىمدار دا COVID-19-عا قارسى ۆاكتسينا ەزٸرلەۋدە. ول ددسۇ تٸزٸمٸنە ەنگەن, كلينيكالىق سىناقتاردان سەتتٸ ٶتۋدە.
مەملەكەت باسشىسى قاسىم-جومارت توقاەۆتىڭ تاپسىرماسى بويىنشا حالىقتىڭ قوسىمشا ەلەۋمەتتٸك وسال توپتارىن قوسا العاندا, ۆاكتسيناتسييالاۋعا جاتاتىن ازاماتتار كونتينگەنتٸ كەڭەيتٸلەدٸ. قازٸرگٸ ۋاقىتتا كۆي-عا قارسى ەزٸرلەنگەن ۆاكتسينالاردىڭ ەرەكشەلٸكتەرٸن ەسكەرە وتىرىپ, جوسپار دايىندالۋدا. وسى جوسپارعا سەيكەس كۆي-عا قارسى ۆاكتسيناتسييا جوسپارلى پروفيلاكتيكالىق ەكپەنٸ جٷرگٸزەتٸن مەديتسينالىق ۇيىمداردىڭ قولدانىستاعى ەكپە كابينەتتەرٸ بازاسىندا جاسالادى. كوروناۆيرۋس ينفەكتسيياسىنا قارسى ۆاكتسيناتسييالاۋدىڭ باستالعانى تۋرالى حالىققا كلينيكالىق زەرتتەۋدٸڭ بارلىق كەزەڭدەرٸ اياقتاوىپ, ۆاكتسينالاردىڭ قاۋٸپسٸزدٸگٸ مەن تيٸمدٸلٸگٸ تۋرالى تولىق دەرەكتەر ناقتىلانىپ, ۆاكتسينانى ەلگە جەتكٸزگەن كٷننەن كەيٸن حابارلانادى.
«بۇل مەسەلەدە حالىقارالىق ۇيىمدار – ددسۇ مەن يۋنيسەف تاراپىنان ەدٸستەمەلٸك قولداۋ كٷتەمٸز», - دەدٸ ۆيتسە-مينيستر.
كەزدەسۋ سوڭىندا ە.قيياسوۆ دٷنيەجٷزٸلٸك دەنساۋلىق ساقتاۋ ۇيىمىنىڭ ەۋروپالىق ٶڭٸرلٸك بيۋروسىنا جەنە COVID-19-دىڭ ەلەمدە تارالۋىنا قارسى كٷرەستە جەنە ونى الدىن-الۋدا جەتەكشٸ رٶل اتقارىپ وتىرعانى ٷشٸن ريزاشىلىعىن بٸلدٸردٸ.
ەسكە سالساق, 22 جەلتوقساننان باستاپ قازاقستاندا رەسەيلٸك «سپۋتنيك V» ۆاكتسيناسى ٶندٸرٸلە باستايدى.
الدىن الا بولجامعا سەيكەس, قازاقستاندا كوروناۆيرۋسقا قارسى ۆاكتسينا 65 جاستان اسقان, جٷرەك-قان تامىرى اۋرۋى, قانت ديابەتٸ جەنە سوزىلمالى ٶكپە اۋرۋلارى بار تەۋەكەل توبىنا كٸرەتٸن ادامدارعا جەنە مەديتسينا قىزمەتكەرلەرٸنە سالىناتىن بولادى. ۆاكتسينا الاتىنداردىڭ بولجامدى سانى 2 347 000 ادامدى قۇرايدى.
