ەلٸمٸزدە كوروناۆيرۋس جۇقتىرعان 306 ادامنىڭ جاعدايى ناشار بولسا, ونىڭ ٸشٸندەگٸ 41 ناۋقاستىڭ احۋالى ٶتە اۋىر, دەپ حابارلايدى "ۇلت اقپارات".
«قازٸرگٸ ۋاقىتتا اۋىر جاعدايداعى ناۋقاستارىمىز جانساقتاۋ مەن انەستەزيولوگييا بٶلٸمٸندە ەمدەلٸپ جاتىر. ولاردىڭ سانى – 306 ادام. اۋىر جاعدايدا - 265 سىرقات, ٶتە اۋىر جاعدايداعى 41 ناۋقاس بار. ٶكپەنٸ جاساندى جەلدەتۋ اپپاراتىنا قوسىلعان 67 ناۋقاس (كوروناۆيرۋس جۇقتىرعان) ەم قابىلداۋدا. ينۆوزيۆتٸ ەمەس ٶكپەنٸ جاساندى جەلدەتۋ اپپاراتىندا 133 سىرقات جاتىر. ٶزٸنشە دەمالاتىن وكسيگەنوتەراپييا الىپ جاتقان سىرقاتتاردىڭ سانى – 106. ٶز بەتٸنشە دەمالاتىن ناۋقاستاردىڭ سانى – 9265 ناۋقاس», - دەدٸ قر دسم تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ تٶراعاسى تيمۋر سۇلتانعازيەۆ وكق-دا ٶتكەن باسپاسٶز مەسليحاتىندا.
كوميتەت تٶراعاسى سونىمەن قاتار تٸلشٸلەردٸڭ سۇراقتارىنا جاۋاپ بەرە وتىرىپ, وسى جارتى جىلدىقتا قازاقستاندا پنەۆمونييامەن 98 مىڭ ادام سىرقاتتانعانىن ايتىپ ٶتتٸ.
«ٶتكەن جىلمەن سالىستىرعاندا ٶسٸم 50 پايىزدان جوعارى», - دەدٸ ول.
