رەسپۋبليكا بويىنشا پەداگوگتەرگە قاجەتتٸلٸك 3733 ادامدى قۇرادى. بۇل تۋرالى ٷكٸمەت باسشىسى اسقار مامين ايتتى, دەپ حابارلايدى قازاقپارات تٸلشٸسٸ.
«رەسپۋبليكا بويىنشا پەداگوگتارعا قاجەتتٸلٸك 3733 ادامدى قۇرايدى, ونىڭ ٸشٸندە قالالىق جەرلەردە – 1863 (49,9%), اۋىلدىق جەرلەردە –1870 (50,1 %). پەداگوگيكالىق كادرلارعا قاجەتتٸلٸكتٸ ٶتەۋ, سونداي-اق پەداگوگيكالىق بٸلٸم بەرۋدٸڭ تارتىمدىلىعىن ارتتىرۋ شارالارىنىڭ بٸرٸ – پەداگوگيكالىق باعىتتا وقيتىن ستۋدەنتتەردٸڭ ستيپەنديياسىن ارتتىرۋ», - دەلٸنگەن ٷكٸمەت باسشىسىنىڭ ساۋالعا بەرگەن جاۋابىندا.
2020 جىلدان باستاپ ستۋدەنتتەردٸڭ ستيپەنديياسى 20 948 تەڭگەدەن 26 186 تەڭگەگە دەيٸن, ال پەداگوگيكالىق باعىتقا 42 مىڭ تەڭگەگە دەيٸن, 2021 جىلى 26 186 تەڭگەدەن 31423 تەڭگەگە دەيٸن, پەداگوگيكالىق سالاعا 50 400 تەڭگەگە دەيٸن ارتتى.
