سەناتتىڭ جالپى وتىرىسىندا دەپۋتات ەرٸك سۇلتانوۆ ٶزٸنٸڭ دەپۋتاتتىق ساۋالىندا گازدى پايدالانۋ بويىنشا زاڭناماعا تٷزەتۋلەر ەنگٸزۋ قاجەتتٸگٸنە توقتالدى, دەپ حابارلايدى قازاقپارات.
سەناتوردىڭ ايتۋىنشا, قايعىلى جاعدايلار كٶبٸنەسە گازدى تۇتىنۋشىلاردىڭ قاۋٸپسٸزدٸك ەرەجەلەرٸن ساقتاماۋىنان جەنە گاز جابدىقتارىنا تەحنيكالىق قىزمەت كٶرسەتۋ جٷرگٸزبەۋٸنەن ورىن الادى. ال, ەكٸنشٸ جاعىنان, گازدى تۇرمىستىق باللونداردا ساتاتىن كومپانييالار مەن گاز ۇيىمدارى تۇتىنۋشىلاردان وسى ەرەجەلەردٸڭ ساقتالۋىن تالاپ ەتپەيدٸ.
وسىعان بايلانىستى سەناتور گازبەن جابدىقتاۋ ۇيىمدارىنا تۇتىنۋشىلاردان وسىنداي قىزمەتتەردٸ كەسٸبي تٷردە كٶرسەتەتٸن كومپانييالارمەن تەحنيكالىق قىزمەت كٶرسەتۋ بويىنشا شارت جاساسۋ تۋرالى تالاپ قويۋ مٸندەتٸن جٷكتەۋ قاجەت دەپ سانايدى. ەگەر شارت جوق بولسا, وندا كومپانييا كليەنتكە گاز باللوندارىن ساتۋدان باس تارتۋعا قۇقىلى.
«بۇل نورما گازبەن جابدىقتاۋشى ۇيىم مەن گاز تولتىرۋ پۋنكتتەرٸ يەلەرٸنٸڭ تولتىرىلاتىن تۇرمىستىق باللونداردىڭ تەحنيكالىق جارامدىلىعىن تەكسەرۋ جٶنٸندەگٸ مٸندەتتەرٸن تولىق كٶلەمدە ٸسكە اسىرۋعا, گاز باللون قوندىرعىلارىنا اۆارييالىق جەنە جوسپارلى قىزمەت كٶرسەتۋدٸ جٷرگٸزۋگە مٷمكٸندٸك بەرەدٸ. سونداي-اق, تۇتىنۋشىلارمەن قاتار, گاز جەلٸسٸ مەن گاز تولتىرۋ ۇيىمدارىنىڭ دا گاز جابدىقتارى مەن گاز باللوندارىنا تەحنيكالىق قىزمەت كٶرسەتۋ بويىنشا جاسالعان شارتتارى بولماعان جاعدايدا قانداي جاۋاپكەرشٸلٸك بەلگٸلەنەتٸنٸن ايقىنداۋ قاجەت. مۇنداي جەكەلەگەن نورمانى ەنگٸزۋ گازبەن جابدىقتاۋشى ۇيىم مەن تۇتىنۋشى اراسىنداعى ٶزارا قارىم-قاتىناستى رەتكە كەلتٸرۋگە, ولاردىڭ گاز تەحنيكالىق جابدىقتارىنىڭ جاي-كٷيٸ ٷشٸن جاۋاپكەرشٸلٸك ارقالاۋىنا ىقپال ەتەر ەدٸ», - دەدٸ سەناتور ەرٸك سۇلتانوۆ قر پرەمەر-مينيسترٸنٸڭ ورىنباسارى رومان سكلياردىڭ اتىنا جولداعان ساۋالىندا.
