قازاقستاندا سوڭعى 5 جىلدا ٸرٸ قارا مال باسى 23,3 پايىزعا ٶستٸ. بۇل تۋرالى اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى قازاقپارات.
«2019 جىلى ەت ٶندٸرۋ كٶلەمٸ (سويىس سالماعىندا) 5,8 پايىزعا ۇلعايىپ, 1,1 ملن توننانى قۇرادى. ەت ٶندٸرٸسٸنٸڭ ۇلعايۋى اۋىل شارۋاشىلىعى جانۋارلارى سانىنىڭ ٶسۋٸنە بايلانىستى بولدى. سوڭعى 5 جىلدا ٸرٸ قارا مال باسى 23,3 پايىزعا ٶسٸپ, 7,4 ملن باستى قۇرادى, ۇساق مال 6,6 پايىزعا ارتىپ, 19,1 ملن باستى, جىلقى 45,8 پايىزعا ارتىپ, 2,8 ملن باستى قۇرادى», - دەدٸ مينيسترٸ پارلامەنت مەجٸلٸسٸندەگٸ ٷكٸمەت ساعاتىندا.
ونىڭ سٶزٸنە قاراعاندا, سالانىڭ قۇرىلىمى دا ٶزگەرۋدە. 2014 جىلى ۇيىمداستىرىلعان شارۋاشىلىقتارداعى ٸرٸ قارا مال باسىنىڭ ٷلەسٸ 35,1 پايىز بولسا, قازٸر 44,9 پايىزدى قۇرادى.
«جالپى, ەت بويىنشا قامتاماسىز ەتۋ كٶلەمٸ 85 پايىزدى قۇرادى. بۇل رەتتە «قىزىل ەت» (سيىر ەتٸ, قوي ەتٸ, جىلقى ەتٸ جەنە شوشقا ەتٸ) بويىنشا يمپورت ٷلەسٸ جالپى تۇتىنۋ كٶلەمٸنٸڭ 5%-ىنان اسپايدى. ٶڭدەۋگە تەك مۇزداتىلعان ەت عانا ەكەلٸنەدٸ.
قۇس ەتٸ بۇعان كٸرمەيدٸ, ول بويىنشا ٸشكٸ تۇتىنۋداعى يمپورت ٷلەسٸ 44,7%-دى قۇرايدى. اتاپ ايتقاندا, فاو (بۇۇ-نىڭ ازىق-تٷلٸك جەنە اۋىل شارۋاشىلىعى ۇيىمى) سىنىپتاماسى بويىنشا تۇتىنىم 80 پايىزعا وتاندىق ٶندٸرٸس ەسەبٸنەن قامتاماسىز ەتٸلگەن جاعدايدا عانا ازىق-تٷلٸك قاۋٸپسٸزدٸگٸ قامتاماسىز ەتٸلەدٸ», - دەدٸ ساپارحان وماروۆ.
