ەلٸمٸزدە ەلدٸ مەكەندەردٸ سۋ باسۋ دەرەگٸ تٸركەلگەن جوق. بۇل تۋرالى قر ٸشكٸ ٸستەر مينيسترٸنٸڭ ورىنباسارى يۋريي يلين ايتتى, دەپ حابارلايدى قازاقپارات.
«2020 جىلعى 24 ناۋرىزدا قازاقستان رەسپۋبليكاسىنىڭ اۋماعىندا ەلدٸ مەكەندەردٸ سۋ باسۋ جاعدايى تٸركەلگەن جوق. ٶزەندە كەپتەلٸس بولدىرماۋ ماقساتىندا مۇز قوپسىتۋ جۇمىستارى جٷرگٸزٸلۋدە. جالپى رەسپۋبليكا بويىنشا ٶزەندەردە 14 توننا جارىلعىش زاتتاردى قولدانا وتىرىپ, 123 مۇز جارۋ جۇمىستارى جٷزەگە اسىرىلدى», - دەدٸ ول.
ونىڭ دەرەگٸنشە, نۇر-سۇلتان, اقمولا, پاۆلودار, شىعىس قازاقستان جەنە قاراعاندى وبلىستارىندا سۋ تاسقىنى جاعدايىن انىقتاۋ ماقساتىندا اەروۆيزۋالدى جەنە جەرٷستٸ زەرتتەۋلەر جٷرگٸزٸلۋدە. ەلٸمٸزدٸڭ ٶڭٸرلەرٸندە 165,3 شاقىرىم قورعاۋ بٶگەتتەرٸن سالۋ جەنە جٶندەۋ, 417,2 شاقىرىم سۋ تاسقىنى قاۋپٸ بار ٶزەندەردٸڭ جاعالارىن بەكٸتۋ, تٷبٸن تەرەڭدەتۋ, تٷزەتۋ, 186,7 شاقىرىم سۋ بۇرۋ ارنالارىن ورناتۋ بويىنشا سۋ تاسقىنىنا قارسى جۇمىستار جالعاسۋدا. سۋ تاسقىنىنىڭ الدىن الۋ جەنە ولاردىڭ سالدارىن جويۋ ٷشٸن 14 مىڭ توننا جانار-جاعارماي, 190 مىڭ توننا ينەرتتٸ ماتەريالدار, بٸر ميلليوننان استام قاپ جەنە 51 توننا كٶلەمٸندە جارىلعىش زاتتار قورى دايىندالدى.
سونىمەن قاتار ول باق ٶكٸلدەرٸنٸڭ ساۋالىنا وراي ەلوردانىڭ سۋ قويماسىنداعى سۋ مٶلشەرٸنە قاتىستى دەرەكتەرمەن بٶلٸستٸ.
«سۋ قويماسىنداعى سۋ كٶلەمٸن ەڭ تٶمەنگٸ شەككە دەيٸن تٶمەندەتۋ جۇمىستارىن جالعاستىرىپ جاتىرمىز. قازٸرگٸ ۋاقىتتا ەلوردا سۋ قويماسى 52 پايىزعا دەيٸن تولىپ تۇر. قازگيدرومەتتٸڭ سوڭعى دەرەكتەرٸنە سەيكەس قار مەن ىلعال قورىنىڭ كٶلەمٸ اۋا رايىنىڭ قولايلى بولۋىنا بايلانىستى ايتارلىقتاي قىسقاردى», - دەدٸ ي.يلين.
ايتا كەتەرلٸگٸ, ٸشكٸ ٸستەر مينيسترلٸگٸندە جالپى سانى 9 مىڭ ادام مەن 1,5 مىڭنان استام بٸرلٸك تەحنيكادان تۇراتىن ارنايى كٷشتەر مەن قۇرالدار توبى قۇرىلدى. سۋ تاسقىنى جاعدايى ىقتيمال كٷردەلەنگەن كەزگە باسقا ٶڭٸرلەردٸڭ قوسىمشا جەكە قۇرامنان 2 044 ادام, 214 بٸرلٸك تەحنيكا, 30 جٷزۋ قۇرالى جەنە 86 موتوپومپا كٷشتەرٸ مەن قۇرالدارى جەدەل دەن قويۋ ٷشٸن ەزٸرلٸكتە تۇر.
