قورشاعان ورتاعا شىعارىلعان ەميسسييا ٷشٸن جىلىنا ورتاشا ەسەپپەن قازاقستاندا 60-70 ملرد تەڭگە سالىق جينالادى. قر ەكولوگييا, گەولوگييا جەنە تابيعي رەسۋرستار مينيسترلٸگٸ جاڭا ەكولوگييالىق كودەكس ارقىلى بۇل قاراجاتتى ەكولوگييالىق مەسەلەلەردٸ شەشۋگە باعىتتاۋدى كٶزدەۋدە, دەپ حابارلايدى قازاقپارات.
«جاڭا ەكولوگييالىق كودەكستٸڭ جاڭاشىلدىقتارىنىڭ بٸرٸنە توقتالايىن: قازٸرگٸ ۋاقىتتا جەرگٸلٸكتٸ بيۋدجەتتەرگە قورشاعان ورتاعا شىعارىلعان ەميسسييا ٷشٸن ورتاشا ەسەپپەن 60-70 ملرد تەڭگە سالىق جينالادى. ەكولوگييالىق كودەكستٸڭ جوباسى وسى قاراجاتتى ايماقتاردى ەسكەرە وتىرىپ, ەكولوگييالىق مەسەلەلەردٸ شەشۋدٸ كٶزدەيدٸ. قازٸرگٸ تاڭدا جوعارىدا اتالعان سومانىڭ بار بولعانى 10 پايىزى ەكولوگييالىق قاجەتتٸلٸككە جۇمسالىپ كەلەدٸ», - دەدٸ وكق-دا ٶتكەن باسپاسٶز مەسليحاتىندا قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ احمەتجان پٸرٸمقۇلوۆ.
ۆيتسە-مينيستر سونىمەن بٸرگە, جاڭا كودەكس ارقىلى ەكولوگييالىق نورمالاۋ جٷيەسٸن جەتٸلدٸرمەك. ياعني, كەزەڭ-كەزەڭمەن قورشاعان ورتا نورماتيۆتەرٸنٸڭ ساپاسىن جاقسارتۋ جوسپارلانعان.
«بٷگٸنگٸ كٷنٸ بەرٸمٸز دەنساۋلىق ساقتاۋ مينيسترلٸگٸ بەكٸتكەن شەكتٸ كونتسەنتراتسييانى پايدالانىمىز. بۇل شەكتٸ كونتسەنتراتسييا تەك ادام دەنساۋلىعىنا ەسەرٸ تۇرعىسىنان عانا ەسەپكە الىنادى. دەمەك, كەسٸپورىننىڭ بٷكٸل قورشاعان ورتاعا تيگٸزەتٸن ىقپالى ەسكەرٸلە بەرمەيدٸ. قورشاعان ورتا ساپاسىنىڭ نورماتيۆتەرٸ تولىعىمەن بەلگٸلٸ بٸر كەسٸپورىننىڭ حالىق دەنساۋلىعىنا دا تيگٸزەتٸن ەسەرٸن ەسەپكە الادى», - دەدٸ احمەتجان پٸرٸمقۇلوۆ.
ونىڭ ايتۋىنشا, ەكولوگييالىق تەرتٸپتٸ بۇزعاندار ٷشٸن ەكٸمشٸلٸك ايىپپۇل مٶلشەرٸ ٶسەدٸ.
«ورتاشا ەسەپپەن ەكولوگييالىق بۇزۋشىلىق ٷشٸن سالىناتىن ەكٸمشٸلٸك ايىپپۇل قازٸرگٸمەن سالىستىرعاندا 10 ەسە ٶسەدٸ», - دەدٸ ول.
ەسكە سالا كەتسەك, بۇعان دەيٸن احمەتجان پٸرٸمقۇلوۆ جەلتوقسان ايىندا پارلامەنتكە ەنگٸزٸلەتٸن جاڭا ەكولوگييالىق كودەكس جوباسى قولدانىستاعى زاڭناماعا بٸرقاتار ٶزگەرٸس ەنگٸزۋدٸ كٶزدەيتٸنٸن حابارلاعان ەدٸ.
