8 قاراشادا قازاقستاندا 610 ادامنان كوروناۆيرۋس ينفەكتسيياسى انىقتالدى. سول كٷنٸ 175 ادام دەرتٸنەن ايىقتى. دەنساۋلىق ساقتاۋ مينيسترلٸگٸنٸڭ 9 قاراشا تاڭەرتەڭ تاراتقان حابارلاماسىندا وسىنداي اقپارات جازىلعان.
ٶتكەن تەۋلٸكتە ەڭ كٶپ ناۋقاس شىعىس قازاقستان وبلىسىندا (254) تٸركەلگەن. پاۆلودار وبلىسىندا - 61, قوستاناي وبلىسىندا - 60, باتىس قازاقستان وبلىسىندا - 45, سولتٷستٸك قازاقستان وبلىسىندا - 42, نۇر-سۇلتان قالاسى - 29, الماتى قالاسىندا - 26, قاراعاندى وبلىسىندا - 16, الماتى وبلىسىندا - 13, اقتٶبە وبلىسىندا - 9, جامبىل وبلىسىندا - 4, اتىراۋ وبلىسىندا - 4, شىمكەنت قالاسىندا - 3, تٷركٸستان وبلىسىندا 2 ادامنان كوروناۆيرۋس تابىلعان. ماڭعىستاۋ, قىزىلوردا وبلىستارىندا ناۋقاس تٸركەلمەگەن.
قازاقستاندا ناۋرىز ايىنان بەرٸ كوروناۆيرۋس جۇققانى پتر-تەستپەن راستالعاندار سانى 116 772 ادامعا جەتتٸ. 108 مىڭعا جۋىعى جازىلعان.
ناۋرىز ايىنان بەرٸ كوروناۆيرۋستان كەمٸندە 1893 ادام قايتىس بولعان.
دياگنوزى تەك اۋرۋ بەلگٸلەرٸ بويىنشا قويىلاتىن كوروناۆيرۋس پنەۆمونيياسى 39 مىڭنان استام ادامنان انىقتالعان, 409 ادام قايتىس بولعان. ٷكٸمەت كوروناۆيرۋس پنەۆمونيياسى دەرەگٸنٸڭ ايماق بويىنشا بٶلٸنٸسٸن دە جٷيەلٸ تٷردە جارييالامايدى.
