قازٸرگٸ ۋاقىتتا قازاقستان بويىنشا 17 اسىراپ الۋشى اتا-انالار مەكتەبٸ بار. بۇل تۋرالى بالا اسىراپ الۋ جٶنٸندەگٸ ۇلتتىق اگەنتتٸك باسشىسى لەززات جٷسٸپوۆا ايتتى, دەپ حابارلايدى قازاقپارات.
«بالا اسىراپ الۋ جٶنٸندەگٸ ۇلتتىق اگەنتتٸك 2016 جىلدان باستاپ جۇمىس ٸستەيدٸ. بٸزدٸڭ مٸندەتٸمٸز - بولاشاق اسىراپ الۋشى اتا-انالاردى دايارلاۋ, ولارعا بٸلٸم بەرۋ جەنە اتا-انالىق قۇزىرەتتٸلٸگٸن ارتتىرۋ. بٸزدٸڭ جوبا بٷكٸل قازاقستان بويىنشا ۇسىنىلعان. 17 ايماقتا بٶلٸمشەمٸز بار. سونداي-اق, قازاقستان بويىنشا 17 اسىراپ الۋشى اتا-انالار مەكتەبٸ بار. تٶرت جىل ٸشٸندە بٸزدٸڭ ىقپال ەتۋٸمٸزبەن 801 اسىراپ الۋشى وتباسى پايدا بولدى, 1153 بالا پاتروناتتىق, قامقورشىلىق سيياقتى ەرتٷرلٸ فورماداعى وتباسىلاردا تەربيەلەنۋدە», - لەززات جٷسٸپوۆا.
ول بالالاردى اسىراپ الاتىن اتا-انالاردى وقىتۋ نە ٷشٸن ماڭىزدى ەكەنٸن ايتتى.
«قامقورشىلىققا العان بالالارىن قايتادان جەتٸمدەر ٷيٸنە ٶتكٸزەتٸن اتا-انالار بار. جىل سايىن اسىراپ الۋشى اتا-انالار 200-250-گە جۋىق بالانى بالالار ٷيٸنە قايتارادى. 2019 جىلدىڭ قورىتىندىسى بويىنشا, بٸزدٸڭ جوبا اياسىندا وقىعان اتا-انالار 19 بالانى جەتٸمدەر ٷيٸنە قايتارعانى انىقتالدى. وسى جاعدايدان كەيٸن بۇل مەسەلەگە ەرەكشە نازار اۋدارا باستادىق. قازٸر پاترونات اتا-انالارعا كەسٸبي قولداۋ ۇيىمداستىرىلدى. بٸزدە وتباسىلارعا بازالىق, داعدارىستىق جەنە تٶتەنشە كٶمەك جٷيەسٸ بار. بٸزدٸڭ ماماندار بالانىڭ وتباسىنا قالاي بەيٸمدەلٸپ جاتقانىن كٶرۋ ٷشٸن قوڭىراۋ شالىپ, كەزدەسەدٸ. بالانى وتباسىنا بەيٸمدەۋ پروتسەسٸ ٶتە ۇزاققا سوزىلادى, سەبەبٸ بالا ول وتباسىعا جانى جارالانىپ كەلەدٸ», - دەيدٸ ول.
سونداي-اق, ول بالا اسىراپ الۋشىلار مەكتەبٸ اپتاسىنا 3 ساعاتتان تۇراتىن 14 ساباقتى قۇرايتىنىن ايتتى.
«ياعني, بالا اسىراپ الۋشىلار بۇل مەكتەپكە ٷش جارىم اي بارۋ كەرەك. وقۋ بارىسىندا بالا اسىراۋ ويىنان اينىپ قالاتىندار بار. بۇل - بالا اسىراپ العاننان كەيٸن اينىپ قالۋعا قاراعاندا جاقسى», - دەيدٸ ول.
