قازاقستاندا 48 اۋداندىق ماڭىزى بار قالانىڭ 13-نە اۋىل مەرتەبەسٸ بەرٸلۋٸ مٷمكٸن, دەپ حابارلايدى قازاقپارات.
«زاڭ جوباسى قازاقستاننىڭ ەكٸمشٸلٸك-اۋماقتىق قۇرىلىسى سالاسىنداعى زاڭنامانى جەتٸلدٸرۋگە باعىتتالعان. ەلدٸڭ ەكٸمشٸلٸك-اۋماقتىق بٸرلٸكتەرٸنٸڭ ساناتتارى, جەكەلەگەن ەلدٸمەكەندەردٸڭ اتاپ ايتقاندا اۋداندىق ماڭىزى بار قالالاردىڭ قازٸرگٸ مەرتەبەسٸن تولىق كٶلەمدە كٶرسەتپەيدٸ. بٷگٸنگٸ تاڭدا 48 اۋداندىق ماڭىزى بار قالانىڭ 13-ٸ حالىق سانى بويىنشا قالا مەرتەبەسٸنە سەيكەس كەلمەيدٸ, سەبەبٸ قولدانىستاعى ەكٸمشٸلٸك-اۋماقتىق قۇرىلىس تۋرالى زاڭعا سەيكەس اۋداندىق ماڭىزى بار قالالارعا حالقىنىڭ سانى 10 مىڭ ادامنان كەم ەمەس ەلدٸمەكەندەر جاتادى», - دەدٸ مەجٸلٸس دەپۋتاتى ەلييا ساپاروۆا پارلامەنت مەجٸلٸسٸندە «قر كەيبٸر زاڭنامالىق اكتٸلەرٸنە ٶڭٸرلەردٸڭ ەكٸمشٸلٸك-اۋماقتىق قۇرىلىسىن جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن وقي وتىرىپ.
دەپۋتاتتىڭ ايتۋىنشا, اۋداندىق ماڭىزى بار قالالارداعى تۇرعىندار سانىنىڭ ازايۋىنا بايلانىستى ولاردىڭ مەرتەبەسٸن ٶزگەرتۋ قاجەتتٸگٸ تۋىندايدى.
«بۇل رەتتە زاڭنامادا اۋداندىق مەرتەبەسٸ قالانىڭ مەرتەبەسٸن اۋىلعا ٶزگەرتۋ جٶنٸندەگٸ قۇقىقتىق تەتٸك كٶزدەلمەگەن. وسىعان بايلانىستى دەپۋتاتتار وسى زاڭعا اۋداندىق ماڭىزى بار قالالاردى ٶزگە ەلدٸمەكەندەرگە قايتا قۇرۋ جٶنٸندەگٸ قۇزىرەتتٸ ايقىنداۋعا باعىتتالعان تٷزەتۋلەردٸ ەنگٸزدٸ. قالا مەرتەبەسٸنٸڭ اۋىلعا ٶزگەرۋٸ – جەرگٸلٸكتٸ تۇرعىندارعا اۋىلدى ەلدٸمەكەندەردٸڭ تۇرعىندارى ٷشٸن قاراستىرىلعان مەملەكەتتٸڭ قولداۋدىڭ بارلىق شارالارىن الۋعا مٷمكٸندٸك بەرەتٸنٸن اتاپ ٶتكەن جٶن», - دەدٸ ول.
