قازاقستاندا قانداي ٶزەندەردٸڭ ارناسىن قالىڭ شٶپ پەن باتپاق باسۋ قاۋپٸ بار? بۇل سۇراققا قر تسيفرلىق دامۋ, قورعانىس جەنە اەروعارىش ٶنەركەسٸبٸ مينيسترلٸگٸ اەروعارىش كوميتەتٸنٸڭ تٶراعاسى باۋبەك ورالماعامبەتوۆ جاۋاپ بەردٸ, دەپ حابارلايدى قازاقپارات.
«بٸز مەملەكەتتٸك ورگانداردىڭ تاپسىرىسىمەن ەلٸمٸزدەگٸ سۋ قويمالارىنىڭ رەجيمٸ مەن ٶزەن-كٶلدەرگە عارىشتىق مونيتورينگ ارقىلى باقىلاۋ جٷرگٸزەمٸز. سونداي-اق, اۋىل شارۋاشىلىعى جەنە مال جايىلىمى ٷشٸن قولدانىلاتىن سۋ قويمالارى دا قاداعالانادى. ودان بٶلەك, عارىشتىق مونيتورينگ ارقىلى سۋ تاسقىنىن بولجاۋ جەنە الدىن الۋدىڭ دا مٷمكٸندٸگٸ بار. بولجامدى بٸز قازگيدرومەت ۇسىنعان دەرەكتەردٸڭ نەگٸزٸندە عارىشتىق تٷسٸرٸلٸم ارقىلى جاسايمىز. سۋ تاسقىنى بويىنشا بولجامدى سىناق ەرتٸس ٶزٸنەنە جٷرگٸزٸلدٸ», - دەدٸ باۋبەك ورالماعامبەتوۆ وكق-دە ٶتكەن باسپاسٶز مەسليحاتىندا.
سونداي-اق, سپيكەر ەلٸمٸزدە ٶزەندەر ارناسىنىڭ باتپاقتانۋى مەن قالىڭ شٶپتٸڭ قاپتاۋى بويىنشا دا عارىشتىق مونيتورينگ جٷرگٸزٸلگەنٸن ايتتى.
«2020-2021 جىلعى عارىشتىق مونيتورينگ دەرەگٸ بويىنشا ٸلە, جايىق, سىردارييا, ەرتٸس, ەسٸل, شٸلٸك, نۇرا, سارىسۋ, توبىل, اقسۋ, اسا جەنە شۋ ٶزەنٸ ارناسىندا قالىڭ شٶپ ٶسكەن 2 مىڭ گەكتار جەر انىقتالدى. سونداي-اق, اتالعان ٶزەندەردٸڭ 47,7 مىڭ گەكتار اۋماق جەر باتپاق باسقان. ٶز كەزەگٸمٸزدە بۇل اقپاراتتى تيٸستٸ شارا قابىلداۋ ٷشٸن قۇزىرلى ورگاندارعا جٸبەردٸك», - دەيدٸ ول.
