قازٸرگٸ ۋاقىتتا كورونا-تاكسي پنەۆمونييا جەنە كوروناۆيرۋستان ٷي جاعدايىندا ەمدەلٸپ جاتقان ناۋقاستارعا قىزمەت كٶرسەتەدٸ, دەپ حابارلايدى "ۇلت اقپارات".
دەنساۋلىق ساقتاۋ باسقارماسىنىڭ مەلٸمەتٸنشە, اتالمىش قىزمەت تٷرٸ ەل بويىنشا بٸرٸنشٸ رەت اتىراۋ وبلىسىندا ۇيىمداستىرىلىپ وتىر. ەزٸرگە كوۆيد-تاكسي تٷنگٸ كەزەكتە قىزمەت كٶرسەتٸپ جاتىر. الداعى ۋاقىتتا اتالمىش تاكسي سانىن كٶبەيتۋ جوسپارلانعان.
اتىراۋ وبلىستىق جەدەل جەردەم قىزمەتٸ ستانساسى ديرەكتورىنىڭ مٸندەتٸن اتقارۋشى نارگيز بايمولداەۆانىڭ ايتۋىنشا, قازٸرگٸ ۋاقىتتا جەدەل جەردەم قىزمەتٸنە تٷسٸپ جاتقان شاقىرتۋلار ٶتە كٶپ.
«ال, كورونا-تاكسي قىزمەتٸ جٷكتەمەنٸ ازايتۋعا ىقپال ەتۋدە. كوۆيد تاكسي تولىققاندى بريگادامەن تەڭ دەرەجەدە مەديتسينالىق قىزمەت كٶرسەتە الادى. كوۆيد تاكسي كوروناۆيرۋس, پنەۆمونيياعا شالدىققاندارمەن بٸرگە, قىزۋى كٶتەرٸلٸپ تۇرعان ناۋقاستاردىڭ شاقىرتۋىنا دا بارادى. ەگەر كوروناۆيرۋسقا شالدىققان ناۋقاس دەرٸگەردٸڭ قابىلداۋىنان شىعىپ, ٷيٸنە جەتە الماي تۇرسا, كوۆيد-تاكسي قىزمەتٸن پايدالانا الادى. كوۆيد تاكسيدٸڭ بريگاداسى جٷرگٸزۋشٸ مەن فەلدشەردەن تۇرادى. ٶكٸنٸشكە قاراي, بٸزدٸڭ دە قىزمەتكەرلەرٸمٸزدٸڭ اراسىندا ناۋقاستانىپ جاتقاندار بار. قازٸرگٸ ۋاقىتتا قولدا بار كٷشتٸ ماكسيمالدى تٷردە تيٸمدٸ پايدالانۋعا تىرىسىپ وتىرمىز», - دەيدٸ اتىراۋ وبلىستىق جەدەل جەردەم قىزمەتٸ ستانساسى ديرەكتورىنىڭ مٸندەتٸن اتقارۋشى نارگيز بايمولداەۆا.
ەرەكشە اتاپ ٶتەرلٸگٸ, كوۆيد تاكسي جٷرگٸزۋشٸلەرٸ قاجەت جاعدايدا العاشقى مەديتسينالىق كٶمەك كٶرسەتە الادى. ولار بازالىق رەانيماتسييالىق كٶمەك بويىنشا وقىتۋدان ٶتكەن.
سونىمەن بٸرگە, پنەۆمونييا, كوروناۆيرۋسقا شالدىققان ناۋقاستار كوۆيد تاكسي قىزمەتٸن دەرٸ-دەرمەك تاسىمالى ٷشٸن دە پايدالانا الادى.
ايتا كەتەلٸك, پاندەمييا باستالعالى بەرٸ اتىراۋدا جەدەل جەردەم شاقىرتۋ كٶبەيگەن. بۇرىن تەۋلٸگٸنە 700-800 رەت شاقىرعان بولسا, قازٸرگٸ جاعدايدا وبلىس بويىنشا شاقىرۋ سانى تەۋلٸگٸنە 1300-گە دەيٸن ارتقان.
ەسكە سالا كەتەيٸك, بٸز بۇعان دەيٸن ەلٸمٸزدە كورونا-تاكسي قىزمەتٸ ٸسكە قوسىلاتىنىن حابارلاعان بولاتىنبىز.
