ەلٸمٸزدە 18 جاسقا تولعان 11 ملن 730 مىڭنان استام ازامات تۇرعىلىقتى جەرٸندە تٸركەلگەن. بۇل تۋرالى قر ٸشكٸ ٸستەر مينيسترٸنٸڭ بٸرٸنشٸ ورىنباسارى مارات قوجاەۆ ايتتى, دەپ حابارلايدى قازاقپارات.
«ناقتى سايلاۋ ۋچاسكەسٸنە ازاماتتى سايلاۋشىلار تٸزٸلٸمٸنە ەنگٸزۋ ٷشٸن ونىڭ وسى سايلاۋ ۋچاسكەسٸنٸڭ اۋماعىنداعى تۇرعىلىقتى جەرٸ بويىنشا تٸركەلۋ فاكتٸسٸ نەگٸز بولىپ سانالادى. «حالىقتىڭ كٶشٸ-قونى تۋرالى» زاڭنىڭ 51-بابىندا ٸشكٸ كٶشٸپ-قونۋشىلاردىڭ تۇراقتى جەنە ۋاقىتشا تۇرعىلىقتى جەرٸ بويىنشا تٸركەلۋ مٸندەتٸ كٶزدەلگەن. وسى مٸندەتتٸ ساقتاماعانى ٷشٸن ەكٸمشٸلٸك كودەكستٸڭ 492-بابىندا ەكٸمشٸلٸك جاۋاپكەرشٸلٸك قاراستىرىلعان. ٸشكٸ كٶشٸپ-قونۋشىلاردى تٸركەۋ تەرتٸبٸ قر ٷكٸمەتٸنٸڭ 2011 جىلعى №1427 قاۋلىسىمەن رەتتەلگەن. قاعيدالارعا سەيكەس, قر ازاماتتارى جاڭا تۇرعىلىقتى جەرٸنە نەمەسە ۋاقىتشا تۇرۋعا كەلگەن كٷنٸنەن باستاپ كٷنتٸزبەلٸك 10 كٷندە تٸركەلەدٸ. بٷگٸندە حالىقتى تۇرعىلىقتى جەرٸ بويىنشا تٸركەۋ رەسٸمٸ تولىعىمەن اۆتوماتتاندىرىلعان جەنە ەلەكتروندىق-تسيفرلىق قولتاڭباسى بولعان كەزدە ەلەكتروندى ٷكٸمەت پورتالى نەمەسە موبيلدٸ ٷكٸمەت قوسىمشاسى ارقىلى, سونىمەن قاتار حالىققا قىزمەت كٶرسەتۋ ورتالىقتارىنا جٷگٸنگەن كەزدە رەسٸمدەلەدٸ. تٸركەۋ 3-5 مينۋتتان اسپايتىن ۋاقىتتى الادى», - دەدٸ ول ورتالىق سايلاۋ كوميسسيياسىنىڭ وتىرىسىندا.
ونىڭ اتاپ ٶتۋٸنشە, تۇرعىلىقتى نە ۋاقىتشا تۇراتىن جەرٸ بويىنشا تٸركەۋ كەزٸندە جاڭا مەكەن جاي تۋرالى مەلٸمەتتەر دەرەۋ ٸٸم-نٸڭ اقپاراتتىق جٷيەسٸنە ەنگٸزٸلەدٸ. ول جەردە ونلاين رەجيمدە ەدٸلەت مينيسترلٸگٸنٸڭ «جەكە تۇلعالار» مەملەكەتتٸك دەرەكقورىنا ەنگٸزٸلەدٸ. سونىڭ نەگٸزٸندە جەرگٸلٸكتٸ اتقارۋشى ورگاندار مەن وسك سايلاۋشىلاردىڭ تٸزٸلٸمٸن جاسايدى.
«ٸٸم مەلٸمەتتەرٸ بويىنشا وسى جىلدىڭ 26 قازانىنداعى جاعدايعا سەيكەس, ەلٸمٸزدە 18 جاسقا تولعان 11 733 944 ازامات تٸركەلگەن. ونىڭ ٸشٸندە 11 099 923 تۇرعىلىقتى جەرٸ بويىنشا تۇراقتى تٸركەلگەن. 15 324 ادام تەك ۋاقىتشا تٸركەۋگە الىنعان. 618 مىڭنان استام ادام تۇرعىلىقتى جەرٸ بويىنشا تٸركەۋدەن شىعارىلعان. قازٸر مينيسترلٸك ورتالىق سايلاۋ كوميسسيياسىمەن بٸرلەسٸپ, سايلاۋشىلار تٸزٸمٸن ٶزەكتەندٸرۋ بويىنشا ٶزارا ٸس-قيمىل الگاريتمدەرٸن پىسىقتاۋدا. سوعان سەيكەس, پارلامەنت مەجٸلٸسٸ دەپۋتاتتارىن سايلاۋعا دايىندىق بويىنشا جۇمىس جالعاسادى», - دەدٸ مارات قوجاەۆ.
