الماتى وبلىسىندا مەملەكەتارالىق ٸزدەۋ جارييالانعان ەرلٸ-زايىپتى ۇستالىپ, قاماۋعا الىندى. ولارعا قارجى پيراميداسىن قۇردى جەنە ەكٸ مىڭنان استام قازاقستاندىقتى الدادى دەگەن ايىپ تاعىلدى, - دەپ حابارلايدى Tengrinews.kz تٸلشٸسٸ قارجى مونيتورينگ اگەنتتٸگٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆو قارجى پيراميداسى دەپ تانىلعان تۇرعىن ٷي-قۇرىلىس كووپەراتيۆٸن ۇيىمداستىرۋشى ەرلٸ-زايىپتى ۇستالعانىن راستادى. ولارعا قاتىستى قاماۋعا الۋ تٷرٸندەگٸ بۇلتارتپاۋ شاراسى تاڭدالدى.
"2019 جىلدىڭ قاراشاسىنان 2021 جىلدىڭ قاراشاسىنا دەيٸن ەلٸمٸزدٸڭ 12 ايماعىنان ەكٸ مىڭ سالىمشىدان پايىزسىز قارىز بەرۋ ارقىلى جىلجىمايتىن مٷلٸكتٸ ساتىپ الۋعا جەردەمدەسۋ ٷشٸن 1,3 ميلليارد تەڭگە العانى انىقتالدى", - دەلٸنگەن حابارلامادا.
افم كووپەراتيۆ قۇرىلتايشىلارىنىڭ جاسالعان قىلمىسقا ەش قاتىسى جوقتىعى, ولار قۇرىلتايشىلىق جەنە باسقا دا قۇجاتتارعا ەشقاشان قول قويماعانىن ايتتى. سونىمەن قاتار, تۇتىنۋ كووپەراتيۆٸ ٶز قىزمەتٸن قولدانىستاعى زاڭنامانى بۇزىپ جٷرگٸزگەنٸ ايتىلدى.
قارجى پيراميداسىن ۇيىمداستىرۋشىلاردى قىلمىستىق جاۋاپكەرشٸلٸككە تارتۋ تۋرالى 350-دەن اسا ازامات ٶتٸنٸش بٸلدٸرگەنٸ حابارلاندى.
سوتتىڭ سانكتسيياسىمەن اتالعان كووپەراتيۆتٸڭ ەسەپ ايىرىسۋ شوتتارىنداعى جىلجىمايتىن مٷلٸكتەرٸ, قاراجاتتارى تەركٸلەندٸ.
شىمكەنت, اقتٶبە, باتىس قازاقستان, قاراعاندى جەنە تٷركٸستان وبلىستارى بويىنشا دەپارتامەنتتەر دە وسى ٶڭٸرلەردەگٸ قارجىلىق پيراميدانى باسقارۋ دەرەگٸ بويىنشا سوتقا دەيٸنگٸ تەرگەۋدٸ باستاعانى اتاپ ٶتٸلدٸ.
AفM قارجى پيراميداسىنىڭ قۇرباندارى ەلدەقايدا كٶپ بولۋى مٷمكٸن ەكەنٸن ەسكەرٸپ, ەگەر "ەلٸم-اي" تۇتىنۋ كووپەراتيۆٸنە مٷشە تانىستارىڭىز بولسا, مىنا تەلەفونعا حابارلاسۋدى سۇرادى: +7 (7172) 708-478.
