قازاقستان شەتەل ازاماتتارىنا ارنالعان كٶشٸ-قون قىزمەتتەرٸن تسيفرلاندىرۋدى جاڭا دەڭگەيگە شىعارۋعا كٸرٸستٸ. ٷكٸمەت وتىرىسىندا ٸشكٸ ٸستەر مينيسترٸ ەرجان سەدەنوۆ شەتەلدٸكتەرگە جسن رەسٸمدەۋ ەندٸ بۇرىنعىداي كٷردەلٸ رەسٸم ەمەس, موبيلدٸ قوسىمشا ارقىلى قولجەتٸمدٸ بولاتىنىن مەلٸمدەدٸ, دەپ حابارلايدى ult.kz.
بۇعان دەيٸن شەتەل ازاماتتارى ٷشٸن جسن الۋ كٶبٸنە ۋاقىت پەن قۇجات اينالىمىن تالاپ ەتەتٸن رەسٸم بولسا, ەندٸ بۇل پروتسەسس تسيفرلىق فورماتقا كٶشٸرٸلمەك. جاڭا QazETA موبيلدٸ قوسىمشاسى ارقىلى شەتەلدٸكتەر كٶشٸ-قون قىزمەتتەرٸن ونلاين تٷردە الىپ, سونىڭ ٸشٸندە جەكە سەيكەستەندٸرۋ نٶمٸرٸن رەسٸمدەي الادى.
ياعني قازاقستان شەكاراسىنان ٶتكەن سەتتەن باستاپ-اق شەتەل ازاماتى ٷشٸن اقپاراتتىق جەنە ەكٸمشٸلٸك قىزمەتتەر بٸر جٷيەگە بٸرٸكتٸرٸلۋٸ كٶزدەلٸپ وتىر. ەۋەجايلار مەن ٸرٸ شەكارا بەكەتتەرٸندە بەرٸلەتٸن QR-كودى بار تۋريستٸك كارتالار دا وسى تسيفرلىق ەكوجٷيەنٸڭ بٸر بٶلٸگٸنە اينالعان. وندا ەلدە بولۋ ەرەجەلەرٸ, جەدەل قىزمەتتەر مەن بايلانىس وپەراتورلارى تۋرالى مەلٸمەت قامتىلعان.
بۇل قادامنىڭ استارىندا تەك قىزمەتتٸ جەڭٸلدەتۋ ەمەس, ەلگە كەلەتٸن شەتەل ازاماتتارىنىڭ ەسەبٸن ناقتىلاۋ, كٶشٸ-قون پروتسەستەرٸن تولىق تسيفرلىق باقىلاۋعا كٶشٸرۋ ماقساتى دا بار.
الايدا جٷيەنٸڭ تولىق ٸسكە قوسىلۋى ٷشٸن زاڭنامالىق ٶزگەرٸستەر قاجەت. قازٸر سەنات تيٸستٸ تٷزەتۋلەردٸ قاراپ جاتىر. سونىمەن قاتار 2026 جىلدان باستاپ شەتەلدەگٸ قازاقستان ەلشٸلٸكتەرٸ مەن كونسۋلدىقتارىندا جسن بەرۋ تەجٸريبەسٸ توقتايدى دەگەن جوسپار دا بار.
بۇل ٶزگەرٸستەر بٸر جاعىنان بيۋروكراتييانى ازايتىپ, قىزمەتتٸ جەدەلدەتۋگە باعىتتالسا, ەكٸنشٸ جاعىنان مەملەكەت ٷشٸن تسيفرلىق باقىلاۋ مەن قاۋٸپسٸزدٸك مەحانيزمدەرٸن كٷشەيتۋدٸڭ جاڭا كەزەڭٸن بٸلدٸرەدٸ.
