دانييار ەلەۋسٸنوۆ 8 ماۋسىم كٷنٸ "مەديسون سكۆەر گاردەن"-دە ٶنەر كٶرسەتۋٸ تيٸس بولاتىن. الايدا وليمپيادا چەمپيونى GGG جەكپە-جەگٸنٸڭ اندەركاردىندا شىقپايتىن بولدى. گولوۆكين مەن ونىڭ پروموۋتەرٸ توم لەففلەر ەلەۋسٸنوۆتٸڭ مەنەدجمەنتٸن كەسٸپقوي ەمەس دەپ ايىپتادى, دەپ جازادى Sputnik اگەنتتٸگٸ.
دانييار ەلەۋسٸنوۆتٸڭ كەسٸپقوي رينگتەگٸ ٸستەرٸمەن اينالىساتىن امەريكالىق مەنەدجەرلٸك كومپانييانىڭ باسشىسى زييا اليەۆ بۇل مەسەلەنٸ تٷسٸندٸردٸ.
"بٸرٸنشٸدەن, توم گەننادييمەن سٶيلەسكەنٸمٸزدٸ جاقسى بٸلەدٸ. گەنناديي دە بٸلەدٸ. مەن ٶزٸم سٶيلەسكەن جوقپىن. سٶيلەسكەن ادامنىڭ اتىن ايتپاي-اق قويايىن. بٸراق ونىڭ گولوۆكينمەن سٶيلەسكەنٸن انىق بٸلەمٸن. لەففلەردٸڭ نە دەگەنٸن ايتا الار ەدٸم. بٸراق ولاي ٸستەمەيمٸن. كەرەك بولسا, توم لەففلەردەن كەلگەن ەلەكتروندىق حاتتار مەن سمس حابارلامالاردى كٶرسەتە الامىن. ول ٶز حاتتارىندا دانيياردىڭ ورنىنا ٶزگە بوكسشىنى ۇسىناتىنىن جازدى", دەدٸ زييا اليەۆ Sports.kz-كە بەرگەن سۇقباتىندا.
ونىڭ ايتۋىنشا, بۇل تۇستا دانيياردىڭ كومانداسى ەمەس, توم لەففلەر كەسٸبي مامان ەمەس ەكەنٸن كٶرسەتكەن. الايدا زييا اليەۆ ونى ايىپتامايتىنىن ايتتى.
"گەنناديي ونىڭ بوكسشىسى, ەركٸم ٶزٸنٸڭ بوكسشىسىن قورعايدى. ال بٸزدٸ كەسٸبي مامان ەمەس دەپ ايىپتاۋ كٷلكٸلٸ. مەندە Matchroom-نان كەلگەن حات بار, سٸزدەر ونى كٶردٸڭٸزدەر. رەداكتسيياعا ۇسىنعان بولاتىنمىن. بٸراق مەن ونىڭ جارييالانعانىن قالامايمىن", - دەدٸ ول.
مەنەدجەرلٸك كومپانييانىڭ باسشىسى گولوۆكيننٸڭ ٶز جولى, ەلەۋسٸنوۆتٸڭ ٶز جولى بار ەكەنٸن اتاپ ٶتتٸ.
"توم گولوۆكين ٶزٸنٸڭ جەكپە-جەك كەشٸندە دانييار ەلەۋسٸنوۆتٸ كٶرگٸسٸ كەلمەيتٸنٸن ايتتى. سمس حابارلامالاردى كٶرسەتە الامىن. توم بۇعان دايىن بولسا, بٸزدٸڭ دەلەلٸمٸز بار. مەن ولاردى كٶرسەتسەم, كٸم شىندىقتى ايتىپ وتىرعانىن بەرٸ بٸردەن تٷسٸنەدٸ",- دەدٸ اليەۆ.
