قازاقستاندىق بوكسشى دانييار ەلەۋسٸنوۆ (7-0, 3كو) امەريكالىق رەشارد حيكسپەن (12-0-1, 6كو) جەكپە-جەگٸ الدىندا مٸندەتتٸ سالماق ٶلشەۋ رەسٸمٸنەن ٶتتٸ, دەپ حابارلايدى "ۇلت اقپارات".
ۆكونتاكتە ەلەۋمەتتٸك جەلٸسٸندەگٸ «قازاقستاننىڭ كەسٸپقوي بوكسى» اككاۋنتىنداعى مەلٸمەتكە سەيكەس, ەلەۋسٸنوۆ تارازىدا — 147,4 فۋنت, حيكس 147 فۋنت كٶرسەتتٸ. جارتىلاي ورتا سالماقتاعى ليميت 147 فۋنتتى قۇرايدى.
ايتا كەتەيٸك, ەلەۋسٸنوۆ-حيكس ايقاسى 14 قىركٷيەك كٷنٸ نيۋ-يوركتٸڭ (اقش) «Madison Square Garden» ارەناسىندا ٶتەدٸ. قازاق بوكسشىسىنىڭ مەنەدجەرٸ زييا ەليەۆ دانيياردى دەريك سانتوس, گارري كلارك جەنە دانيياردىڭ ەكەسٸ مارات ەلەۋسٸنوۆ دايىنداپ جاتقانىن جەنە نەگٸزگٸ جاتتىعۋلار اياقتالعانىن مەلٸم ەتكەن ەدٸ.
كەيٸن بٸرلەسكەن باسپاسٶز مەسليحاتى كەزٸندە ەلەۋسٸنوۆ بوكس كەشٸ بارىسىندا بار كٷش-جٸگەرٸن سالاتىنىن اتاپ ٶتتٸ. «نيۋ-يورككە, «Madison Square Garden»-گە, پروموۋتەرٸم ەددي حيرنگە جەنە مەنەدجەرلەرٸمە «بوكستىڭ مەككەسٸندە» جۇدىرىقتاسۋ مٷمكٸندٸگٸ ٷشٸن العىس ايتامىن. مەن سٸزدەرگە شەبەرلٸگٸم مەن اقىلىمدى جۇما كٷنٸ كەشكٸسٸن كٶرسەتەتٸن بولامىن. كٶرٸسكەنشە!» - دەدٸ ول.
جەكپە-جەكتٸ نۇر-سۇلتان ۋاقىتى بويىنشا 14 قىركٷيەك كٷنٸ ساعات 06.00-دە «حابار» ارناسىنان كٶرۋگە بولادى.
وليمپيادا چەمپيونى پروفي-رينگتەگٸ سوڭعى كەزدەسۋٸن بيىلعى 25 مامىردا اقش-تىڭ مەريلەند شتاتىندا ٶتكٸزدٸ. ول تٶرەشٸلەردٸڭ شەشٸمٸمەن چيليلٸك لۋس نورامبۋەنانى (3-4-1, 0 كو) جەڭدٸ.
