رىباكينا رولان گارروس تۋرنيرٸنٸڭ ٷشٸنشٸ اينالىمىنا شىقتى

قازاقستاننىڭ بٸرٸنشٸ, ەلەمنٸڭ 16-راكەتكاسى ەلەنا رىباكينا رولان گارروس تۋرنيرٸنٸڭ ٷشٸنشٸ اينالىمىنا شىقتى, دەپ حابارلايدى قازاقپارات.

فرانتسييا اشىق چەمپيوناتىنىڭ 16-راكەتكاسى بولىپ تٸركەلگەن قازاقستاندىق تەننيسشٸ ەكٸنشٸ اينالىمدا دٷنيەجٷزٸلٸك رەيتينگتە 135-ورىندا تۇرعان 20 جاستاعى امەريكالىق كەتي ۆولىنەتسپەن شەبەرلٸك بايقاستى. 

بۇل ولاردىڭ ٶزارا بٸرٸنشٸ كەزدەسۋٸ ەدٸ. 

بٸرٸنشٸ پارتييا سوڭىنا تامان رىباكينا برەيك جاساپ, تارازى باسىن ٶزٸنە اۋدارا بٸلدٸ – 6:4. 

ەكٸنشٸ سەتتە قارقىنىن تٸپتٸ ٷدەتٸپ, قارسىلاسىنا بٸردە-بٸر گەيم بەرگەن جوق – 6:0. 

بٸر ساعاتتان استام ۋاقىتقا سوزىلعان بەسەكە بارىسىندا قازاقستاندىق سپورتشى 2 ەيسپەن بٸرگە 11 برەيك-پوينتتىڭ تٶرتەۋٸن پايدالاندى. 

ٶتكەن جىلى رولان گارروس جارىسىنىڭ شيرەك فينالىنا دەيٸن جەتكەن رىباكينا ٷشٸنشٸ اينالىمدا ەلەمنٸڭ 22-راكەتكاسى, امەريكالىق مەديسون كيز نەمەسە رەيتينگتە 79-ساتىداعى فرانتسييالىق كارولين گارسييانىڭ بٸرەۋٸمەن كەزدەسەدٸ.

قازاقستاننىڭ جۇپتىق سىنداعى بٸرٸنشٸ, ەلەمنٸڭ 20-راكەتكاسى اننا دانيلينا فرانتسييا اشىق چەمپيوناتىن جەڭٸسپەن باستادى. ول برازيلييالىق بەاتريس حادداد ماييامەن بٸرگە 1 ساعات 52 مينۋتقا سوزىلعان تارتىستى ماتچتا جاپونييالىقتار ەري حودزۋمي – ماكوتو نينومييانى 4:6, 6:4, 6:4 ەسەبٸمەن تٸزە بٷكتٸردٸ. 

دانيلينا مەن ماييا ەكٸنشٸ اينالىمدا تايبەيلٸك لاتيشا چان – اۋسترالييالىق سامانتا ستوسۋردى سىناپ كٶرەدٸ. 

قازاقستاننىڭ ەرلەر اراسىندا بٸرٸنشٸ, ەلەمنٸڭ 42-راكەتكاسى الەكساندر بۋبليك جەكەلەي سىندا جارىس جولىنان شىعىپ قالدى. ول ەكٸنشٸ اينالىمدا ەلەمنٸڭ 31-راكەتكاسى, سەربييالىق ميومير كەتسمانوۆيچپەن وينادى. وسىعان دەيٸن ەكٸ كەزدەسۋدە قارسىلاستار بٸر-بٸردەن جەڭٸسكە جەتكەن ەدٸ. 

بۇل جولى بۋبليك ماتچتى سەتتٸ باستادى – 6:4. الايدا قالعان ٷش سەت كەتسمانوۆيچتٸڭ ەنشٸسٸندە كەتتٸ – 7:5, 6:2, 6:1. ەكٸ ساعات 15 مينۋتقا سوزىلعان ماتچتا ا.بۋبليك 14 ەيس جاساپ, 7 برەيك-پوينتتىڭ تٶرتەۋٸن قۇر جٸبەرگەن جوق. كەتسمانوۆيچ 4 ەيس, 10 برەيكپەن كٶزگە تٷستٸ. 

قازاقستاننىڭ جۇپتىق سىنداعى بٸرٸنشٸ, ەلەمنٸڭ 21-راكەتكاسى اندرەي گولۋبەۆ ەكٸنشٸ اينالىمنان اسا المادى. ول فرانتسييالىق فابريس مارتەنمەن بٸرگە دودانىڭ 16-راكەتكالارى, ٷندٸستاندىق روحان بوپاننا – نيدەرلاندىلىق ماتۆە ميددەلكوپقا جول بەردٸ – 3:6, 4:6.