قازاقستاندىق تەننيسشٸ ەلەنا رىباكينا WTA رەيتينگٸندە رەسمي تٷردە ەلەمنٸڭ بٸرٸنشٸ راكەتكاسى اتاندى, دەپ حابارلايدى ult.kz.
قازاقستان تەننيس فەدەراتسيياسىنىڭ مەلٸمەتٸنشە, رەيتينگ جاڭارعاننان كەيٸن رىباكينانىڭ ەنشٸسٸندە 9 901 ۇپاي بار. ول 7 875 ۇپاي جيناعان ارينا سوبولەنكودان 2 026 ۇپايعا وزىپ, كٶش باستادى. ٷزدٸك ٷشتٸكتٸ 7 265 ۇپايمەن امەريكالىق دجەسسيكا پەگۋلا تٷيٸندەدٸ.
ەلەمدٸك رەيتينگتەگٸ بٸرٸنشٸ ورىن ٷشٸن كٷرەستە US Open-2026 تۋرنيرٸ شەشۋشٸ رٶل اتقاردى. رىباكينا قىتايلىق چجەن تسينۆەندٸ جەڭٸپ, جارتىلاي فينالعا شىققاننان كەيٸن, تۋرنيردٸڭ قالعان نەتيجەسٸنە قاراماستان رەيتينگ كٶشٸن قامتاماسىز ەتتٸ.
الايدا قازاقستاندىق سپورتشى مۇنىمەن توقتاماي, US Open تۋرنيرٸنٸڭ چەمپيونى اتاندى. فينالدا ول ارينا سوبولەنكودان 6:4, 5:7, 6:2 ەسەبٸمەن باسىم تٷستٸ.
بۇل — رىباكينانىڭ US Open-دەگٸ العاشقى, ال «ٷلكەن دۋلىعا» تۋرنيرلەرٸندەگٸ ٷشٸنشٸ چەمپيوندىعى. 27 جاستاعى تەننيسشٸ WTA تاريحىندا ەلەمدٸك رەيتينگتە بٸرٸنشٸ ورىنعا كٶتەرٸلگەن 30-شى سپورتشى بولدى.
سونىمەن قاتار ەلەنا رىباكينا ەرلەر مەن ەيەلدەر اراسىنداعى جەكەلەي سىندا ەلەمدٸك رەيتينگتٸ باسقارعان قازاقستاننىڭ العاشقى ٶكٸلٸ اتاندى.
