بەسەكەلەستٸكتٸ قورعاۋ جەنە دامىتۋ اگەنتتٸگٸ تٶراعاسىنىڭ بٸرٸنشٸ ورىنباسارى رۋستام احمەتوۆ ەلەكتر ەنەرگيياسىنىڭ كٶتەرمە جەنە بٶلشەك ساۋدا نارىقتارىنا قاتىستى تٷسٸنٸك بەردٸ, دەپ حابارلايدى قازاقپارات.
«سوڭعى ٷش جىلدا ەلەكتر ەنەرگيياسىن ٶندٸرۋ 7% ٶستٸ. ٶسٸمنٸڭ وڭ سەرپٸنٸ جاڭا قۋاتتاردى قۇرماي جۇمىس ٸستەپ تۇرعان قۋاتتاردى جاڭعىرتۋ ەسەبٸنەن قالىپتاستى. بۇل رەتتە, ٶندٸرٸس كٶلەمٸنٸڭ ۇلعايۋى مەملەكەت قاتىساتىن ستانتسييالاردى جاڭعىرتۋدان كەيٸن ورىن الدى جەنە تيٸسٸنشە, نەگٸزگٸ ينۆەستور مەملەكەت بولىپ وتىر», - دەدٸ ر. احمەتوۆ ورتالىق كوممۋنيكاتسييالار قىزمەتٸندە.
ونىڭ پايىمىنشششا, باعانى رەتتەۋ جاعدايىندا نارىقتىڭ دامۋى, جاڭا دەستٷرلٸ ستانتسييالاردىڭ پايدا بولۋى, جەكە ينۆەستيتسييالاردىڭ اعىنى بولمايدى.
«بۇل نارىقتى قايتا رەتتەۋ, نارىقتىق باعا بەلگٸلەۋگە كەزەڭ-كەزەڭٸمەن كٶشۋ جەنە كٶتەرمە ەرٸ بٶلشەك بۋىندى مونوپوليياسىزداندىرۋ جاعدايىندا جەكە ينۆەستيتسييالاردى تارتۋعا باعىتتالعان ەلەكتر ەنەرگيياسىن ٶندٸرۋ نارىعىن دامىتۋدىڭ ۇزاق مەرزٸمدٸ ستراتەگيياسىن ەزٸرلەۋ مەن ٸسكە اسىرۋدى تالاپ ەتەدٸ. 90-جىلدارى باستالعان نارىقتى ىرىقتاندىرۋ اياقتالعان جوق. ەلەكتر ەنەرگيياسىن ٶندٸرۋ نارىعى جوعارى شوعىرلانعان كٷيٸندە قالىپ وتىر. نارىقتىڭ نەگٸزگٸ 4 قاتىسۋشىسىنىڭ ٷلەسٸ – «سامۇرىق – ەنەرگو» اق, «واەك» اق, «ERG» AO, «قكج» جشس – 69% قۇرايدى جەنە ولار تٸك ينتەگراتسييا فورماتىندا جۇمىس ٸستەيدٸ», - دەدٸ اگەنتتٸك ٶكٸلٸ.
ونىڭ سٶزٸنە قاراعاندا, ستانتسييا رەسۋرستارىنا جەنە ەلەكتر ەنەرگيياسىن بەرۋ قىزمەتتەرٸنە قولجەتٸمدٸلٸكتٸ شەكتەي وتىرىپ, اتالعان توپتار ٶڭٸرلٸك بٶلشەك ساۋدا نارىقتارىن تولىعىمەن جاپتى. ولار بٸر-بٸرٸمەن بەسەكەلەسپەيدٸ. سونىمەن قاتار, ولار تۇتىنۋشىلارعا شىعىن كەلتٸرە وتىرىپ, ٶز ستانتسييالارىنان قىمبات ەنەرگييا الادى. نارىقتىڭ 99%-ى تٸكەلەي شارتتار بويىنشا جۇمىس ٸستەيدٸ.
