قازاق دزيۋدوشىسى ەلدوس سمەتوۆ پاريجدە ٶتٸپ جاتقان حححٸٸٸ جازعى وليمپيادا ويىندارىنىڭ چەمپيونى اتاندى.
وتانداسىمىز فينالدا فرانتسۋز دزيۋدوشىسى لۋكا محەيدزەدەن ايلاسىن اسىردى.
فينالدىق بەلدەسۋدٸ فرانتسييا پرەزيدەنتٸ ەممانۋل ماكرون ارنايى كەلٸپ تاماشالادى.
ەلدوس بٸرٸنشٸ بەلدەسۋٸندە نيدەرلاند ەلٸنەن كەلگەن تورنيكە چكادۋانى جارىس جولىنان شىعاردى. ودان كەيٸن ۋكراينالىق ديلشوت حولماتوۆتان ايلاسىن اسىردى.
ەكٸ بٸردەي وليمپيادا ويىندارىندا جٷلدە العان ەلدوس شيرەك فينالدا ەلەمدٸك رەيتينگتە بٸرٸنشٸ ورىندا تۇرعان تايپەيلٸك يانگ يۋنگ ۆەيدٸ جەڭدٸ. جارتىلاي فينالدا وتانداسىمىز 2023 جىلعى ەلەم چەمپيونى فرانتسيسكو گارريگوستى جەڭٸپ شىقتى.
ەلدوس سمەتوۆ ٷش بٸردەي وليمپيادادا جٷلدە العان ەكٸنشٸ قازاقستاندىق سپورتشى اتاندى. ول 2016 جىلعى ريو وليمپياداسىندا – كٷمٸس, توكيو وليمپياداسىندا قولا الدى. بۇل جولى التىن مەدالعا يە بولدى.
ايتا كەتەيٸك, بۇل قازاقستان قۇراماسىنىڭ قورجىنىنا تٷسكەن ەكٸنشٸ جٷلدە. وسىعان دەيٸن نىسانا كٶزدەۋدەن ارالاس جارىستا مەرگەندەر يسلام سەتپاەۆ پەن الەكساندرا لە وليمپيادانىڭ قولا جٷلدەسٸن جەڭٸپ العان بولاتىن.
