فوتو: اباي وبلىسى ەكٸمدٸگٸنەن
اباي وبلىسىنداعى بەسقاراعاي اۋدانىنا قاراستى قويانباي اۋىلىنىڭ ماڭىنداعى ٶرتتٸ سٶندٸرۋ جۇمىستارى جٷرٸپ جاتىر. قازٸر ٶرتتٸ سٶندٸرۋگە بارلىعى 353 ادام, 130-عا جۋىق تەحنيكا جەنە 1 تٸكۇشاق تارتىلدى, دەپ حابارلايدى اباي وبلىسى ەكٸمدٸگٸنٸڭ باسپاسٶز قىزمەتٸ.
بەسقاراعايداعى ٶرت 4 سەۋٸردە تۇتانعان بولاتىن. جەلدٸڭ ەكپٸنٸمەن ٶرت "سەمەي ورمانى" تابيعي رەزەرۆاتىنىڭ موروزوۆ فيليالى اۋماعىنا تارالعان.
"وقيعا ورنىنا دەرەۋ ٶرت سٶندٸرۋ بٶلٸمدەرٸ, ارنايى تەحنيكا مەن ورمان شارۋاشىلىعى قىزمەتكەرلەرٸ جۇمىلدىرىلدى. ٶرت سٶندٸرۋگە اباي, شىعىس قازاقستان جەنە پاۆلودار وبلىستارىنىڭ تٶتەنشە جاعدايلار دەپارتامەنتتەرٸ, "سەمەي ورمانى" مەن "ەرتٸس ورمانى" مەكەمەلەرٸنٸڭ قىزمەتكەرلەرٸ جەنە جەرگٸلٸكتٸ اتقارۋشى ورگاندار اتسالىسىپ جاتىر", – دەيدٸ اباي وبلىسى ەكٸمدٸگٸنٸڭ باسپاسٶز قىزمەتٸ.
قازٸرگٸ ۋاقىتتا ٶرتتٸڭ تارالۋى توقتاعان, جاعداي تۇراقتانىپ كەلەدٸ. مامانداردىڭ ايتۋىنشا, جاڭبىرلى اۋا رايى ٶرتتٸ سٶندٸرۋگە قولايلى جاعداي تۋعىزعان.
"قازٸرگٸ ۋاقىتتا ەڭ باستىسى, ەلدٸ مەكەندەرگە قاۋٸپ تٶنٸپ تۇرعان جوق. ايماقتاعى احۋال تولىق قاداعالانىپ وتىر", – دەلٸنگەن حابارلامادا.
