سەناتور سەرگەي ەرشوۆ كٶكتەمگٸ سۋ تاسقىنى جاعدايىنا قاتىستى مەسەلەلەردٸ پرەمەر-مينيستر ەليحان سمايلوۆتىڭ اتىنا جولداعان دەپۋتاتتىق ساۋالىندا كٶتەردٸ, دەپ حابارلايدى قازاقپارات.
دەپۋتات قازاقستاندا ەر كٶكتەم سايىن سۋ تاسقىنى بولاتىنىن ايتتى.
«ولاردىڭ باسىم كٶپشٸلٸگٸ ٶتكەن عاسىردىڭ 60-70 جىلدارى سالىنعان جەنە قازٸرگٸ ۋاقىتتا فيزيكالىق جەنە مورالدىق جاعىنان 40%-عا دەيٸن توزعان بٶگەتتەر مەن بٶگەتتەردەگٸ گيدروتەحنيكالىق قۇرىلىستاردىڭ جاي-كٷيٸ, ال كەيبٸر جاعدايلاردا ولاردىڭ تولىق بولماۋى ەرەكشە الاڭداۋشىلىق تۋعىزادى. قازاقستانداعى گيدروتەحنيكالىق قۇرىلىستاردىڭ جارتىسىنا جۋىعى اپاتتى جاعدايدا جەنە جٶندەۋدٸ نە جاڭعىرتۋدى قاجەت ەتەدٸ», - دەدٸ س. ەرشوۆ سەناتتىڭ جالپى وتىرىسىندا.
سەناتور اعىمداعى جىلدىڭ اقپان ايىندا پرەزيدەنت ٷكٸمەتكە جاڭا سۋ كودەكسٸنٸڭ جوباسىن ەزٸرلەۋدٸ تاپسىرعانىن ەسكە سالدى, ٶيتكەنٸ 2003 جىلى قابىلدانعان كودەكس سۋ رەسۋرستارىن ساقتاۋعا جەنە ولاردى تيٸمدٸ پايدالانۋعا مٷمكٸندٸك بەرمەيدٸ.
«بۇل مەسەلە بٸرنەشە جىلدار بويى سەناتتا پارلامەنتتٸك تىڭداۋدا, ٷكٸمەت ساعاتىندا تالقىلانعانىن اتاپ ٶتكەن جٶن, وندا عالىمدار مەن ساراپشىلاردىڭ قاتىسۋىمەن قادامدىق ٸس-قيمىلدارمەن كەشەندٸ ۇسىنىمدار ەزٸرلەندٸ. ٷكٸمەت, ورتالىق جەنە جەرگٸلٸكتٸ اتقارۋشى ورگانداردىڭ باسشىلارى ەلٸمٸزدٸڭ سۋ قاۋٸپسٸزدٸگٸن قامتاماسىز ەتۋ ٷشٸن جٷيەلٸ شارالار قابىلداپ جاتىرمىز دەپ ەلدەنەشە رەت ەسەپ بەرگەن بولاتىن. الايدا اعىمداعى سۋ تاسقىنى جاعدايى, اتاپ ايتقاندا, باتىس قازاقستان, اقتٶبە, اقمولا, سولتٷستٸك قازاقستان جەنە قاراعاندى وبلىستارىنداعى جاعداي كەرٸسٸنشە بولىپ وتىر», - دەدٸ سەناتور ەرشوۆ.
وسىعان بايلانىستى, دەپۋتات ٷكٸمەتتەن سۋ تاسقىنى جاعدايلارىنىڭ الدىن الۋعا جەنە جويۋعا باعىتتالعان ۇيىمداستىرۋشىلىق, زاڭنامالىق جەنە كەشەندٸ سيپاتتاعى قاجەتتٸ جٷيەلٸ شارالاردى قابىلداۋدى جەنە پالاتانىڭ تاياۋدا ٶتەتٸن وتىرىسىندا جاۋاپ بەرۋدٸ سۇرادى.
