قورعانىس مينيسترلٸگٸندە قارۋلى كٷشتەردٸڭ بارلىق وبەكتٸلەرٸندەگٸ وق-دەرٸلەردٸڭ ساقتالۋ جاعدايىن تەكسەرۋ جٶنٸندە كوميسسييا قۇرىلدى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
قورعانىس ۆەدومستۆو باسشىسى ن. ەرمەكباەۆتىڭ بۇيرىعىمەن قورعانىس مينيسترلٸگٸ باس ينسپەكتسيياسىنىڭ باستىعى گەنەرال-لەيتەنانت ەمٸر حالىقوۆ باسشىلىق ەتەتٸن قارۋلى كٷشتەردٸڭ بارلىق قويمالارىنداعى وق-دەرٸلەردٸ تەكسەرۋ كوميسسيياسىنىڭ قۇرامى تاعايىندالدى.
شەشٸم جامبىل وبلىسىندا ورىن العان وقيعاعا بايلانىستى قابىلداندى. العاشقى سەتتەن باستاپ-اق قورعانىس مينيسترٸ ٶرت سالدارىن جويۋ جۇمىستارىن ۇيىمداستىرىپ, وقيعانىڭ تۋىنداۋ سەبەپتەرٸ مەن مەن-جايىن تالدادى.
اپپارات كەڭەسٸندە گەنەرال-لەيتەنانت ن.ەرمەكباەۆ اتاپ ٶتكەندەي, قورعانىس مينيسترلٸگٸ ارىستا بولعان ٶرتتەن كەيٸن بۇنداي وقيعالاردى بولدىرماۋ ٷشٸن كەشەندٸ شارالار قابىلداعان بولاتىن. سونداي-اق قارۋلى كٷشتەردە قارۋ-جاراق پەن وق-دەرٸلەردٸ ساقتاۋ وبەكتٸلەرٸن جەتٸلدٸرۋ بويىنشا كەشەندٸ جوسپار جٷزەگە اسىرىلىپ, 30 جىل ٸشٸندە العاش رەت وق-دەرٸلەرگە تولىق تٷگەندەۋ جٷرگٸزٸلدٸ جەنە ەكٸ ساقتاۋ بازاسىنىڭ قۇرىلىسى ۇيىمداستىرىلدى.
«قابىلدانعان شارالارعا قاراماستان, مينيستر بەرگەن بٸرقاتار تاپسىرمالاردىڭ ٶز دەڭگەيٸندە ورىندالماۋى جامبىل وبلىسىنداعى وقيعانىڭ سەبەبٸ بولۋى دا مٷمكٸن. وقيعانىڭ شىنايى سەبەپتەرٸ مەن كٸنەلٸلەردٸ تەرگەۋ جۇمىستارى انىقتاۋى تيٸس», - دەدٸ قورعانىس ۆەدومستۆوسىنىڭ باسشىسى.
وق-دەرٸلەردٸ ساقتاۋ وبەكتٸلەرٸ رەجيمدٸك ەكەنٸن ەسكەرە وتىرىپ, كوميسسييا جۇمىسىنا كەڭەسشٸلەر رەتٸندە تەۋەلسٸز جەنە بٸلٸكتٸ ساراپشىلاردى, ونىڭ ٸشٸندە قارۋلى كٷشتەردٸڭ ارداگەرلەرٸن تارتۋ تاپسىرىلدى.
كوميسسييا وق-دەرٸلەردٸڭ ساقتاۋ جاعدايىنا وبەكتيۆتٸ باعا بەرٸپ, بارلىق كەمشٸلٸكتەردٸ انىقتاۋعا جەنە ولاردى جويۋ جٶنٸندەگٸ جۇمىستاردى ۇيىمداستىرۋعا ىقپال ەتەدٸ.
ەستەرٸڭٸزگە سالا كەتسەك, 26 تامىزدا ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان ەسكەري بٶلٸم قويمالارىنىڭ بٸرٸنەن ٶرت شىعىپ, جويقىن جارىلىس بولدى. سوڭعى مەلٸمەت بويىنشا, جامبىل وبلىسىنداعى جارىلىستان 15 ادام قازا تاپقان.
قر پرەزيدەنتٸ قاسىم-جومارت توقاەۆ 29 تامىزدى جالپىۇلتتىق ازا تۇتۋ كٷنٸ دەپ جارييالادى.
27 تامىزدا مەملەكەت باسشىسى قاسىم-جومارت توقاەۆ اتالمىش تٶتەنشە جاعداي بويىنشا شۇعىل جينالىس ٶتكٸزٸپ, ۆەدومستۆوارالىق مەملەكەتتٸك كوميسسييا قۇرۋدى تاپسىردى.
سونداي-اق, ول باس پروكۋراتۋرا مەن ٸشكٸ ٸستەر مينيسترلٸگٸنە جامبىل وبلىسىنداعى وقىس وقيعانىڭ مەن-جايىن جەنە كٸنەلٸلەردٸ انىقتاۋ ٷشٸن سوتقا دەيٸنگٸ تەرگەۋ امالدارىن مۇقييات جٷرگٸزۋدٸ جٷكتەدٸ.
